هل حب البنت .. يعتبر خيانة لاهلها؟؟؟ permalink

السلام عليكم

فى ظل الايام اللى بينعيشها و فى ظل التكنولوجيا و التقدم و متخالش الايام دى من التعصب طبعا

البنت ديما بتحس ان كونها بتحب ولد دا شئ عيب انها تقولة لاهلها
ديما بتحس انها ح تتعرض للاذى بسبب الحب دا علشان كدا بتخفية
بتتدبر المقابلات و المكالمات طبعا من وراء الاهل

لكن يظل السؤال

هل حب البنت يعتبر خيانة لاهلها؟؟؟

السؤال مطروح للنقاش

اكيد اه لانو يجب علي البنت مصارحة اهلي في
الحاجات الي زي هيك حتي يعرفوا ويعلموا الصح
من الغلط قبل ما تقع فيه
تحياتي لكي

أختي جيفارا طرحك مميز

ولكن من المأكد .... حب الفتاة لشخص ....... دون علم أهلها ....... يعتبر خيانة لأهلها
وأيضا من المأكد ... حب الشاب لفتاة ......... دون مصارحة أهله .... يعتبر تجاهلا وخيانة

ليبقى الأهل ... هو البيت الذي عشنا وترعرعنا بيه ..... ودائما الأهل هم اللي يخافون على مصلحة ابنهم وابنتهم ........

لكن ....

سؤالي أيضا (( هل الفتاة التي تحب شابا ....... هل هذا الشاب يقبل لأخته أن تحب شابا ))
؟؟؟؟؟

جيفارا بتعرفي انا بقولك اه و لا كمان
ادا انتى شايفه اهلك مش راضين على انك تحبي و حبيتي بتخوني
لكن انا عادي افري عندهم مش خيانيه
انا هذا رائي و شكرا
تحاتي

اخت جيفارا اعتقد انه هذا السؤال يجب الاجابة عليه من عدة نواحي يعني انا بعتبر انه خيانة لكن هل تستطيع الفتاة البوح بحبها لاهلها وهل اهلها سيتقبلوا هذا الشي وقبل كل ذلك هل يرضى الاسلام بهذا الحب ان كان من طرف الشاب او الفتاة
اانا اعتقد بل اجزم ان الاسلام لا يقبل بهذا الشئ ولكن في ظل ما يسمى بالعولمة وانتشار الدش والنت وما الى ذلك تصعب السيطرة على الشباب والفتيات
وهنا اقول رايي ان حب الفتاة يعتبر خيانة لاهلها

الكنج سألت..(( هل الفتاة التي تحب شابا ....... هل هذا الشاب يقبل لأخته أن تحب شابا ))
انا بحكي انه بالزاات بمجتمعنا العربي ككل وبالاخص مجتمعنا الفلسطيني بيعتبر انه مش خياانه بالمعنى المعروف لكن بيعتبروه شيء من هذا القبيل
وكماان صح انه الشااب ما بيقبل لاخته تحب متل ما هو بيحب بنات الناااس
هو مسموح اله يحب ويطلع وينزل ويروح ويجي ولكن البنت ااو اخته بالاحرى ممنوع وعيب وغلط بس هاد الي بسير بمجتمعنا لكن برده مجنون سميح بيحكي انه الاسلام حرم هيك علاقه بين شب وبنت .. بس الاسلام ما حكا انه الحب الشريف العفيف حراام وممنوع انا بأيدك كم جهه انه ناادر لما نلاقي بهالزمن حب شريف وعفيف لكن بحكيلك انه موجود
ومشكورين كلكم على مروركم العطر
تقبلو مرور اختكم جيفارا غزه

الصراحة
حب الفتاة لشاب من ورا علم اهلها خيانة الها قبل ما تكون خيانة الهم
لانها الفتاة ما بتعرف اذا رح يتكلل هالحب بالزواج
يمكن الشب بيضحك عليها؟؟
فلازم اهلها بالاخص ابوها يعرف كل خطوة صغيرة وكبيرة بحياتها

والله يا جيفارا اسمعي مني هالنصحية
حبي و كيفي و انسى الدنيا هو يعني في شي في هالمجتمع ماشي صح
ا الحب حلو بس يكون صادق مش كله بيضحك على كله
و بتمنى الك حب موفقك
تحياتي الك يا حلو

لا عنجد موضوع حلو
بس لازم البنت تكون صريحة بموضوع متل هادا
وبعدين هو عنا بمجتمعنا فى حب صادق ولا فى ناس بتحب وبتنحب
كل واحد عايش حياته ع مزاجه

احلا مسا لاحلى جيفارا واحلى مشاركين

اجيت والله جابني

والله المعروف انه صعب البنت تحكي لاهلها انها بتحب فلان

وكمان هي اسمها وقاحه وقلة ادب

انا بنت شرقية لابعد الحدود وما برضى بكلمة فري يللي صارت متل الفيروس

وهي البنت اللي بتحب مو مشكلة بانها تحب

المشكلة انها تكون على علاقه (تلفونات ولقاءات وهدايا ) وكل هي القصص

هون بتكون الخيانة للاهل

لو خبت هالحب بقلبها ما بتكون خيانه لانو ما بتعمل شي غلط

بس لو نيجي نحكي بالواقع بنلاقي انه حياتنا كلها خيانه

يعني منخبي كتيير عن اهلنا ونحنا بنعرف لو عرفوا فيها بيزعلو

يمكن متل ما قلتوا التطور التكنولوجي والاتصالات والنت وكل هاد فتح علينا ابواب كتيرة

والله لا يجعلنا من الخاينين

مشكورة جيفارا على مواضيعك المميزة

تحياااتي

مشكورين على ردودكم ومشكوره اختي فدائيه
جيفارا