ناقش اللي بعدك بسؤال؟؟؟

هالموضوع حاببكم تتفعلوا بيه

وكان في تفاعل كبير عليه من الأعضاء

والموضوع هو انه يجي عضو

ويطرح سؤال قابل للنقاش

ويجي اللي بعده ويناقش

ويحط سؤال قابل للنقاش

وهكذا.....

سؤالي هو:
إذا قست عليكِ الدنيا إلى اي شخص ممكن ان تلجأ ؟؟؟؟؟؟

اول شي بتشكرك جدا على الموضوع المميز

بتمنى من المشرفين تثبيته

لانو حلو

بس بتعرف ليش ما بين الموضوع

لانك دخلتو بين مجموعة مواضيع

كان مفرةوض تنزلو لحالو لحتى يلفت النظر اكتر

هاد اقتراح لا تزعل لتددخلي

هسة السؤال

هسة

سؤالك

إذا قست عليكِ الدنيا إلى اي شخص ممكن ان تلجأ ؟؟؟؟؟؟

بصراحه

ما بعرف

لانو كل ما بتقسى عليي الدنيا

بلجأ لحدا بس بتقسى عليي اكتر

ما بعرف وين ممكن الانسان يحس باالامان بهي الدنيا

لكن

بحكيلك سر

بعمري ما حكيتو

انا لما بتضيق عليي الدنيا بطلب خدمة 222

بتعرف شو هي الخدمة؟؟؟؟

2 الاولى يعني دمعتين

2 التانية يعني ركعتين

2 التالتة يعني الساعه تنتين

اغلى واطهر وأطهر مكان ممكن الجأ اله هو بين يدي الله

وهي نصيحتي للكل

لا تفوتو هالخدمة

لانها خدمة رائعه

مميزة

خدمة 222

اتصل فيها وادعيلي

طولت كتير يا كينج

بس هاد طبعي

لما بكتب ما بقدر انهي بسهولة

سؤالي للي بعدي

اعطيني شو الفرق بنظرك بين الصديق الواقعي وصديق النتديات؟؟؟؟؟؟؟؟؟

وتحيااااااااااااااااتي

مشكورة فدائية على اجابتك ..... سؤالك كان :
اعطيني شو الفرق بنظرك بين الصديق الواقعي وصديق المنتديات ؟؟؟؟؟؟؟؟

أختي فدائية ... الصديق الواقعي .... هو صديق يعرفك وتعرفيه ...... يفهمك وتفهميه .... يواسيك وتواسيه ..... يساعدك وتساعديه
لأنه على القليل (( الصديق الواقعي يعرفك وتعرفيه ..... ولطالما تكلمتوا كلام مباشر مع بعضيكم .... هذا هو وجه الاختلاف بين صديق الواقعي وصديق المنتديات ))

أختي قدائية .....

الصديق الواقعي .... هي عبارة عن مشاركة حقيقية مرئية محسوسة بينك وبينه ... يعني معاملتك معه مباشرة وهو أمامك ..

صديق المنتديات ...... هو لقب وكنية يدخل بها كل شخص لمنتدى .... فيصادق أعضاءه ..... والصداقة تكون ... بالمواضيع والردود والمجاملات .... يعني صداقة تتكون عبر المشاركات .......

هذا هو رأيي .... ولكني لاحظت أن صداقتي معكم قد فاقت صداقتي مع أصدقائي الواقعيين

سؤال للبعدي :

هل ممكن أنك تتمنى الموت ... لمجرد مشكلة كبيرة حصلت معك

الله يسعدك يا رب

والله وانا بالنسبة الي صداقتكم عندي بالدنيا كلها

سؤالك

هل ممكن أنك تتمنى الموت ... لمجرد مشكلة كبيرة حصلت معك

بصراحه ما بتمنى اي موت

انا بتمنى الشهادة

مو لانو بتواجهني مشاكل

لاني عايشة منشان هالشي

يعني مريت بظروف صعبة كنت حابة اندفن مع اغلى ناس على قلبي

بس لما صحيت لنفسي

عرفت انو ما حدا بيموت ناقص عمر

بس انا راح اعيش لانتقملهم

واخد بتارهم

***************

ما راح اخكي كتير

سؤالي يللي بعدي

شو اكتر شي بيوجعلك قلبك؟؟؟؟؟؟

مشكورة على صراحتك الفائقة وكلماتك الرائعة ودون شك الشخصية الأروع والتي تتمثل في أختي (( فدائية ))

بالنسبة لسؤالك اللي يقول :
شو اكتر شي بيوجعلك قلبك؟؟؟؟؟؟

أكثر شيئ يوجع قلبي .... الفراق بشتى انواعه ( فراق الحبيب ... فراق الأسرة ... فراق الأم .. فراق ... الخ )

تحياتي

بالنسبي للي بعدي :

((( لو قست عليك الأيام وخيروك بين .... أخاك ..... وبين أعز صديق عندك )))

ماذا تفعل ؟؟؟ السؤال صعب صح .... بس ياريت فدائية يكون حظها هون وترد عليه

تسلم اخي الكينج

والله سؤالك صعب

بس انا متل ما عرفتوني

ما بخبي بقلبي

سؤالك كان

((( لو قست عليك الأيام وخيروك بين .... أخاك ..... وبين أعز صديق عندك )))

ماذا تفعل ؟؟؟ السؤال صعب صح

والله صعب كتير

بس بقللك

كل النيا ما بتعوضني عن اخي

صحيح الصديق القريب غالي كتير متل الاخ

لكن الاخ ما بيتعوض

ولا حدا بيحل مكانه

*********

هسة سؤالي

هل بتتمنى السفر والهجرة والسكن بغير فلسطين؟؟؟؟؟؟؟؟

ولو لاء تحت اي ظرف ممكن تتطلع من البلد؟؟؟؟؟

تحياااتي

بالنسبة لسؤالك :
هل بتتمنى السفر والهجرة والسكن بغير فلسطين؟؟؟؟؟؟؟؟

ولو لاء تحت اي ظرف ممكن تتطلع من البلد؟؟؟؟؟

**************

أختي ..... كم تمنيت العيش خارج فلسطين فقط لدراسة مجال الطب وألا وهي المهنة الرئيسية التي أفكر أن تكون مهنتي مستقبليا .... لكن ...

فكرت ... وخرجت بحل واحد ... /( أنا لن أترك بلدي الأم والتي ترعرعت فيها .. فهي بلدي .. وبلادكم ... ولا أتركها أبدا ... وان غادرتها

فمغادرتي ستكون الى ............. (( نعشي وقبري ))

بالنسبة للسؤال للي بعدي :

(( هل تحب أن يتدخل أحد بخصوصياتك ... حتى لو كانت أمك أو أخاك أو أختك أو أباك أو حتى حبيبك ))
و
(( وهل ممكن بيوم من الأيام تكره انك كنت فلسطيني ... أو أنك تنتمي لهذا العرق بيوم من الأيام ))
و
(( ما هي أمنيتك التي تتمناها ...... حتى اليوم .... ولم تتحق ))

تحياتي......

يعافيك كنج....
اول سؤال طرحته هو...هل تحب أن يتدخل أحد بخصوصياتك ... حتى لو كانت أمك أو أخاك أو أختك أو أباك أو حتى حبيبك
بالنسبه لخصوصياتي بحياتي ما حبيت حد يتدخل فيها ابدااا لانه حكيت خصوصيات يعني ممنوع الاقتراب واللمس بس احيانا بالحياه مواقف بتخلي مجال للغير يتدخل بخصوصياتك
وتاني سؤال(( وهل ممكن بيوم من الأيام تكره انك كنت فلسطيني ... أو أنك تنتمي لهذا العرق بيوم من الأيام )اكييد لااااااا ابدا ما بيوم رح اكره كوني فلسطينيه بل بالعكس ازا كنت بحمل جنسيه تانيه رح اكيد اتمنى اني على الاقل متل الفلسطينين ... لاني ما رح اقدر اتعدى على انتما اي حد لبلده واحكي رح اتمنى اكون فلسطينيه...... انا فلسطينيه وافتخر اني فلسطينيه وبحب فلسطين كتيير لانه بارضها اندفنو اغلى الناس واخويا الشهيد ولسماها رفرفت ارواحهم وببحرها بحط همي الي ما بتوسعه صدور
وانا متأكده انه الله بحبني لاني فلسطينيه
وسؤال...ما هي أمنيتك التي تتمناها ...... حتى اليوم .... ولم تتحق ؟؟؟؟
الصراحه تمنيت اشيا كتير وما تحققت كلها بس الشي الي تمنيته كتيييير كتييييير وما تحقق لهلء هو اني التقي بشخص ما التقيت فيه ولا مره ومشان الطرق بين غزه والضفه مسكره ما بظن اني اشوفه ..... بس لسه عندي امل نلتقي بعد هالسنين
سوري كتيير طولت هههه يلااا
سؤالي للي بعدي هو ...........
شو الفرق بين الصداااقه والحب ؟؟؟؟ وهل ممكن انه الي يحب يكره الشخص الي حبه لاي سبب كان؟؟؟؟

مشكورة جيفارة فلسطين على كلامك الأكبر من رائع ...

تحياتي لكي ولشخصيتك الرائعة

مع تحيات

AHMAD ALKING

بالنسبة لسؤالك :
شو الفرق بين الصداااقه والحب ؟؟؟؟ وهل ممكن انه الي يحب يكره الشخص الي حبه لاي سبب كان؟؟؟؟

(( الصداقة ... كنز لا يفني .... فهي المشاركة والمساعدة والعيش مع صديقك على الحلوة والمرة .... وهي جوهرة ثمينة ))
(( الحب ..... غيمة جميلة وسحر لا يقاوم من يقع به يعيش أجمل أيام حياته .... جربته ....... والله يدمه ..... ))

** وبالنسبة لسؤالك الثاني :

- من الممكن ... بس اللي يحب عن جد ما يجرح حبيبته واللي تحب عن جد ما تجرح حبيبها

سؤالل للي بعدي :

(( لو انك طلب منك انقاذ حبيبتك ومن تعشقها .... ومن أجل انقاذها وثمن انقاذها موتك ))

فهل تقبل ؟

هاد سؤالي للملكي باعتباره عضو جديد بالمنتدى مشان هيك رح اساله سؤال سهل باعتباره بكيجي ون
الملكي انت ليش اخترت هاد الاسم لتدخل فيه بالمنتدى؟؟
وكمان سؤال.......
رح تصوم رمضان ولا متل كل سنه ؟؟؟

عذرا جيفارا غزة يجب الاجابة على سؤالي حتى يتمكن الملكي من الاجابة على سؤالك

تحياتي

سؤالي :
(( لو انك طلب منك انقاذ حبيبتك ومن تعشقها .... ومن أجل انقاذها وثمن انقاذها موتك ))

فهل تقبل ؟

احلى جيفارا بغزه والله على راسي وبتمنى اكثر منك شوفك ونلتقى مع انه اصبحت غزه بعيده كتيرررر عن الضفه بحكم ؟؟؟؟؟؟ بس لكن بما انه في امل ما في مستحيل حبيبة قلبي جيفارا !! الياس نار تاكل جذور الاملّ!!!! وبعدين لاجاوبك على سؤالك دايما الملك بيكون توب وبهيك انا بحب دايما كون توب واكتر شي معطيني امل وثقه بنفسي هو معرفتي وحبي الك خلاني ملكي وبالنسبه للصيام راح جرب اول يوم صيام وحسب الوضع بقرر ههههههه
مع فائق احترامي للجميع
الملكي

ااه كينج سوري .......سؤالك كااان ..(( لو انك طلب منك انقاذ حبيبتك ومن تعشقها .... ومن أجل انقاذها وثمن انقاذها موتك ))

فهل تقبل ؟

اكيد لو كان الي بينا حب بجد متل ما حكيت اكييد وبدون تردد رح تكون روحي فدا هالشخص الي حبيته
وهالحكي صدقني صحيح......... لانه الحب هو الحياه والحيـــــاه ما بتسواا طالما الي كان قلبك ينبض مشانه رح يروح بلحظه انت ممكن تفديه فيها
وازا بضمن بيوم انه ازا رح تطلع روحي من جسدي مشان ترقد بجسد الشخص الي بحبه تاكد اني رح ااتركها تروح لاعز الناس
صحيح الروح غاليه وصعب نتخلى عنها وصعب مجرد ذكر الموت والتفكير فيه بس........ انا برجع بحكي الدنيا ما تسواا ولا الوجود كله لحظه بدون الناس الي نحبها
انا بفدي الشخص الي بحبه وهو(؟؟؟؟؟؟؟؟؟؟؟؟؟؟)بروحي وما بقصر
وكمان بفديكم والله كلكم يا اسره المنتدى بعيوني
تحياتي
وسؤاالي للي بعدي
((( في هاااي اللحظه.......... هلء يعني.... شو اكتر شي مدايئك؟؟؟؟؟؟)))

انا بحكي لجفارا غزه كلامك مزبوط 100% ولما يكون الشخص بيحب بكل ما في الكلمه من معنى راح يلاحظ ان الروح ما تساوي شي امام حبيبو وراح يلاحظ انه التنازل عن الروح شي سهل من اجل من يحب !!!! والي بيحب ما بيكره رغم كل الظروف وردي على سؤال حبيبة قلبي جيفارا اكيد الي مضايقني هسه وباغلب الاوقات اكيد هو الي مضايقك والي دوم بنفكر فيه والي هو البعد وكيفية اللقاء ومتى؟؟
واحترامي للجميع
الملكي

هون يا جماعة الخير في سؤال عندي وبتمنى الجواب الشافي عليه
السؤال (( شو الفرق بين الحب والاعجاب )) ؟؟؟
تحياتي للجميع

هههههههههههههههههههه

أخي الملكي .... أختي جيفارا غزة

مشكورين على الصراحة العالية ولباقة الكلام الأعلى ...... وأهنيكم كما فهمت من سطوركم على حبكم المخلص الرائع ، الله يجمعكم ...... وينفك الحصار بأسرع وقت ..... لأني عايش مثلكم .... وقصتي تقريبا مثل قصتكم ،،

يعني احنا مرميين بالهوا سوا

تحياتي

بالنسبة لسؤالك أخي الملكي : اللي يقول :
السؤال (( شو الفرق بين الحب والاعجاب )) ؟؟؟

أخي ... الفرق بين الحب والاعجاب فرق شاسع ..... جدا .....

الحب : / علاقة حميمة لا تقدر فهي حب بلا حدود تشاركه تساعده تلاطفه ... وأنت متأكد أن الطرف الاخر يحس ينفس الاحساس التي تحسه أنت .. فتكون في أسعد لحظاتك ... التي عشتها ...

أمـــــــا

الاعجاب :/ هي حالة يكون بيها الشخص .... معجب بشخص أخر ... كلبقاتها وجمالها وحسن أصلها واجتماعياتها و كل شيء بها .... هذه يسمى الاعجاب ولكن ... ممكن أن الطرف التي تحبه لا يحس بأنك تعجب به لأنك لم تعترف له واذا تم الاعتراف بالاعجاب

تمهد الاعجاب قليلا قليلا ودخل في دائرة ماضية تسمى (( الحــــب ))

سؤالي للبعدي :

((( اذا خيروك بين ...... حبيبك أو الحب بشكل عاام ومن تحبها وبين : حياتك وأهلك )))

فمن تحتار ؟؟؟؟؟؟؟؟؟؟؟

مع تحيات : ahmad alking