كلمات مسروقة من دفتر (طفل)..

كلمات مسروقه من دفتر طفل


السَبــْــتْ
فَتَحتْ عُيونِـيْ ، عم دوِّر عَنْ [ نُـورْ ]
قَالوَا لِيْ : غَمّـضْ ، وَغَمضْتْ
بَعَدهَـا مَا شِفتْ { لـا أبيَـضْ وَلـا أسْـوَدْ } !




الا حَــــدْ :
كِنتْ عم أسمَعهُـمْ يَقـُولُوا :
يَاحمَـارْ ، يَا حَيوَان ، يَا بَقَـرَةْ ، يَا لَوحْ ، يا حيط
تَوَقعْتْ إنِيْ فِيْ [ حَدِيقَـةْ حَيوَانَاتْ ]
فَتَحتْ عُيـونِيْ بدي شُوفْ هَـ { الحَيوَانَاتْ }
قَالوُا لِيْ : { مَا بيصير تَشُوفْ ، قِلَـةْ أدَبْ }
سَألتَهُم : طَيبْ .. [ فِيْ عَصفُـورْ ] ؟؟
صَرخُوا فِيْ وَجهِيْ : [ سكوت وَغَمَضْ ] .




الاثنَيــــنْ :
سَمَحُوا لِيْ شُوفْ التَلفَـزيُونْ
كِنتْ لحالي مَنسَجِمْ مَـعَ أفلـامْ كَرتُونْ
فاتت امي ، وَكَانْ أبُو عَائِلة آدمَـزْ ( يَبـُوسْ ) أُمَهُمْ
رَكَضَتْ أمِيْ وَغَيـرَتْ القَنـَاةْ
وَصَرَخَتْ بِـ أعلَىْ صَوتَهَا [عَيبْ عَليكْ قَاعِدْ تَشُوفْ قِلـةْ أدَبْ ]
{ تطلعت فيا بِكُلِ بَـرَاءَةْ } وَأنَا مستَغرِبْ مِنْ تَصرفا : طَيبْ شو صَارْ !
أبُوهُمْ يَبُـوسْ أُمُهُـمْ !
صَرَخَتْ بَوجهِـيْ وَهِيَ مُعصَبَـةْ [ التَبـويِسْ قِلَـة حَيَاء ]
بَعدهَا بِـ أُسبـُوعْ ، شِفتْ أُمِيْ عم تَسَلِمْ عَلىْ أمْ الجِيرَانْ وَ{ تَبوسَهْا }
قِلتْ وَأنَا كِليْ أسَىً : [ مَامَا ، التَبوِيسْ قِلةْ حَيَاءْ ] !




الثُلاثـَــاءْ :
كَانُوا بَنَاتْ خاَلَتِـيْ عِنا ، وَكِنتْ الوَلَد الوَحِيدْ الليْ عم يَلعَبْ مَعون
وَأبُـي بَسْ يَبحلِقْ عُيونَه فِينِيْ وَينْ مَا رِحتْ وَوَينْ مَاجِيتْ
بَعد مَا رَاحَوا بَنَاتْ خَالتِيْ ، نَادَانِيْ بابا وَقَالْ :
{ عَيبْ الوَاحِدْ يَقعد مَـعَ بَنَاتْ ، قِلةْ أدَبْ ]
بَعَدهَا بَكَامْ يَـومْ ، كَانْ بابا قاعد مَـعَ عَمَـاتِيْ لحالو
تطلعت فيه بطرف عيني وأنا حاقد عليه
وَقِلتْلو :{ بَابَا اللِيْ بيقعد مَـعَ بَنَاتْ قَلِيلْ أدَبْ }




الاربِعَــــاءْ :
كِنتْ أسمَعون يَقُولُوا [ جَيـمْ كَارِيْ قليل أدب ومو منيح] ، فَـ كَرَهتَـه مِنْ قَلبْي
وَكَانُوا عم يحضروا أفلامو ، وَيَضحَكُـوا
سَألتَون : لَيشْ عم تضحكوا، مو قلتوا عنو مو منيح!؟
قَالُوا : انت سكوت وما دخلك!






الخَمِيــــسْ :
كِنتْ قاعد مَعَ بابا ، قَالْ لِيْ ذَاكَرتْ دَرُوسَـكْ ؟
قُولْ الصَرَاحَـةً ، لـا تَكذِبْ ، الكَذِبْ حَرَامْ ، وَالليْ بيَكذِبْ يَدَخِلْ النَـارْ
وَفَجأةْ يِرنْ التِلِيفُـونْ
قَالْ أبـيْ رِدْ ، وَإذا لَقيتَهَ عَمكْ ، قلو أبـيْ نَاِيـمْ
رَدِيتْ وَبِكِلْ بِرَاءَةْ : [أهلين عِميْ ، باباْ بقلك انو هوي نايم]
وَينْو أبُــوكْ ؟
بابا هِون جَنبِيْ
{ بَعدْ المُكَالَمَـةْ }
عَصَبْ عَليْي ابي ، يَالَوحْ انت مَابتَفهَـمْ ؟
قِلتْ بَابَاْ [ أنَا مَا بدي فوت عالنَارْ ]



الجُمعَــــةْ :
سمعتون عم يقولوا:
اللِيْ يَطَوَلْ بالمُكَالَمَـةْ [ عم يَغازِلْ ]
وَاللِيْ بروُحْ عالسُـوقْ كتير [ عم يَغازِلْ ]
وَاللِيْ بيقعد عالإنتَرنِتْ [ عم يَغازِلْ ]
وَأنَا مَا بعرِفْ مَعنَىْ كلمة [ يَغَازِلْ ] !!
وَماما بتَطَّوَلْ عَلىْ التِلِفُـونْ ، وبَتَـروحْ عالسُوقْ كِلْ يَومْ ، وَبتفوت عالإنتَرنِتْ كِلْ يَومْ
رَحِتْ لِـ بَابَاْ وَأنَا عم عيِّط : بَابَا إلحَـــــــــــــقْنا ، { ماما عم تَـغَازِلْ }




وبالفعل هاد الشي منتشر بمجتمعنا

دايماً بقولوا للولد
لاتفوت لهون
لا تعمل هيك
لا و لا ولا ......

وطبعاً ما بقولوا ليش
بس مابيصير تعمل
طيب لييييش؟؟
لأنو عيب

هاد هوي الجواب دااااايماً




بتمنى اني أعرف آرائكون بالنسبة لهالموضوع

بتمنى اني أعرف آرائكون بالنسبة لهالموضوع