التغيرات الجذرية لما اولادنا يدخلو الجامعة هههههههههه

شو اخباركم يا جماعة الخير ان شاء الله تمام ... المهم ..

رح نعرفكم بالتغيرات الجذريه الي بتصير عند شبابنا الله يهديهم لمه يدخلو الجامعة..

طبعا الموضوع باللهجه الفلسطينيه .. يعني اخوانا الاجانب الي مو كل هالقد باللغه يرجعو لموضوع " تعلم اللهجه الفلسطينيه من غير معلم " .
هههههههه
خلونا نبداا ..

1- بصير الشب على 40 قيراط .. كل شيء فيه بلمع .. وطبعا بصير يحط على راسه نص كيلو جل .. بمرق عنك زي كأنه قنينة عطر مكسوره جمبكـ .

2- بصير كل اسبوع يحلق شعره ( الله يرحم ليلة العيد لمه تكون عيدين ) .

3- بيصير يرمي السيجاره وهي بنصها .. قال يعني ناس هاي كلاس .

4- بتحول من قدرة قادر من قائد الثوره والوطنيه لـ ابو الفن والرومانسيه والحزن .

5- بيصير كلامه .. هاي ،، مرحبا ،، صباح الخير ،، مامي ،، بابي ،، أهوه ،، نس " بيدلع النسكافي اخينا .

6- ما بصير ياكل الا شنتسل وهم برغر .. الله يرحم ايام الفلافل .

7- بيصير يتحمم كل يوم .. ووين راح اليوم الي بصير في احتفال اضخم من احتفال يوم الاستقلال لمه يتحمم .

8- بتنقلب نكات نيمه بالمسنجر والشات واسم ايميله من .. مجرم حرب ، دمار شامل ، عوكل ، فهد فلسطين ، صقر الكتايب ، الى ملاك الحزن ،، اسير الحزن .

9- طبعا قدام جمعة بنات لمه تنجاب سيرة الامتحان .. بده يحلي اذا نجح .. " الاخ بصير يدرس بس عشان ينجح ويحلي " هااهاهاهاهاها .

10- حلال مشاكل الشعبه ،.. بيصير القائد تبع الشعبه ،، بده يعلق دوام .. بده يحل مشكلة فلانه ومشكلة علنتانه ،، كله نخوه ابو الشباب .

11- طبعا ببطل يعرف الكولا والعصير .. بس قهوه ومي معدنيه .

12- ما بنقطع من جيبته الكلنكس " الفاين او ورق المحارم " الله يرحم شوالات الخييييش " شوالات الخيش نوع من انواع الشوالات تستخدم لتخزين العلف " هههههههههههههههه

13- طبعا ولاعة السجاير .. حديد نوع فاخر لا تقل عن 50 شيكل .. وين ايام الكحاته او الكبريته يا خال ..؟؟

14- بيتحمس وبيصير يناقش بالمحاضر ( قال يعني بفهم اكثر منه ) الله وكيلكم الي بشوفه بفكره افلاطون بعث من جديد هع هع هع .. الله يرحم ايام ما كان بالمدارس ينام بالصف من الساعه 8 للساعه 1 .

15- وبعدين بدخل الجامعه وزنه 170 كيلو .. اعطيه 3 شهور بس ... بصير وزنه 80 .

بستنى تعليقاتكم

اسمع احكيلك شغله واحده انو اوك كلامك فى منو شغلات بتسير مع ناس معينة ما فى حد بتخلى عن اصلوا وبغير حياتو لمجرد دخلوا الجامعة صح ممكن انو يهتم بمضهرو شويه اكتر وهذا اشي وارد يعنى لازم الشب يكون انيق مش معقول يكون رايح على الجامعة ولابس شبشب مثلا وبعدين انو مش كل الشباب هيك على فكرة النوعيه اللى حكيت عنها قليلة التواجد فى مجتمعنا بغض النظر انو في شويه امور صارت عادات عند الشباب .. لو بدنا نحكى فى هالموضوع بدنا يومين واكتر //
مشكوووور
تقبل مرورى

انسيت احكيلك شغله انت بتحكى عن النيك نيم والاسماء شو انت ناسي انو انت اسمك من هالاسماء اللى مو عاجباك ههههههههههههههههههه
بس اسير الصمت حلو ماشي حالو موش بطال
نعيب زماننا والعيب فينا
تقبل مرورى

هههههههههه

مشكور أخي على الموضوع

تحياتي الك

®¯°• ملك الغرام •°¯® كتب:: انسيت احكيلك شغله انت بتحكى عن النيك نيم والاسماء شو انت ناسي انو انت اسمك من هالاسماء اللى مو عاجباك ههههههههههههههههههه
بس اسير الصمت حلو ماشي حالو موش بطال
نعيب زماننا والعيب فينا
تقبل مرورى

ملك الغرام انا منزل الموضوع للمزح والضحك مش أكتر

مش عشان نهاجم بعض

مالك داخل تطاوش بكل موضوع

منور احمد الموضوع

تحياتي

هههههههههههههههههههههههههههههههههههههههههه
ما تنزل مواضيع ازا انت مش قد النقاش يا غالى وما تنزل مواضيع يا غالى ما بتمتل شخصيتك انت طرحت عيوب وانت نفسك فيك منها بس تصلح من نفسك بعدين بتحاول تصلح الناس
منور عيونى ,,

®¯°• ملك الغرام •°¯® كتب:: هههههههههههههههههههههههههههههههههههههههههه
ما تنزل مواضيع ازا انت مش قد النقاش يا غالى وما تنزل مواضيع يا غالى ما بتمتل شخصيتك انت طرحت عيوب وانت نفسك فيك منها بس تصلح من نفسك بعدين بتحاول تصلح الناس
منور عيونى ,,

والله يا حجي انا ما نزلت الموضوع للنقاش بالعكس منزله زي ما حكيت قبل بمنتدى المزح والضحك يعني للفرفشة مش اكتر

وشكلك من النوع اللي بدو اي شغلة ويمسك فيها ويطب يطاوش

وبالاخر يطلع ربحان بكلامه

واسمي اللي مش عاجبك ما في حب لا عشق ولا غرام

اسير الصمت \ خليني صامت احسن احيانا الرد بكون بجرح ,,,

نسيت اقللك شغلة لو كل واحد بدو يعمل زيك ويجالق بشغلات فاضية المنتدى مش حيمشي

وياريت تشوف الاقسام اللي فيها نقاش حر مش مجرح وتناقش فيها

انتا ع الشعر اللي ما اله نقاش نزلت خبصت ومشيتها بمزاجي بس من خاطر المدير

ولانو المنتدى جديد وبديش اياه يبدا بمشاكل

يلا سلام يا قطة

وخلي المدير يحذف الموضوع عشان ميعملش بلبلة

تحياتي

ياعمي الموضوع حلو كتير
بس ما بنطبق علي شباب فلسطين
انا حابب احكي شغلة لأمير ولأسير
احنا هنا في منتديات فلسطين يعني ما بدنا نخبط في بعض من الأول يا شباب
طولو روحكو شوي
ويا عمي وهي مني انا ارضاء لالكم انتو التنين أنا بتأسفلكم من بعض
تقبلو مروري
ابو العلاء

الله يسعدك يا ابو العلاء

والله انا مش داخل اعمل مشاكل

لكن الاخ ملك الغرام بفكرني لاني ساكت

ما بقدر ارد عليه

وصل خير واحذفوا الموضوع