عيش أحلى ما في اللحظة !!

عيش أحلى ما في اللحظة !!

اكيد في حدا منكم بشوف اعلانات فودافون (( شركة المحمول اللاسلكي في مصر )) .. في نهاية كل اعلان بكون موجود عبارة :فودافون – عيش أحلى ما في اللحظة ...

هالعبارة حلوة كتير ولفتت نظري بسرعة من أول ما قرأتها في الإعلان، ومن خلالها اجتني فكرة المقالة ، في مجتمعنا كتير في اشخاص ما بيهتموا في اللحظات اللي عم بعيشوها ... يا ترى شو السبب؟؟ الجواب كتير بسيط .... لانهم ما بعيشوا لحظاتهم بحلاوتها ومرها .. يعني مثلاً اذا أي حدا فينا صارت معه مشكلة مهما كان حجها بتم يفكر فيها وكيف بدو يحلها لمدة طويلة وكإنها بتكون قضية مصيرية عنده ،وشو بعد هيك بصير معه عقد نفسية اذا ما حلها ،، واذا مر في يوم حلو بنسى!! وبتم يفكر في هالمشكلة هاي ،، وبعد هالمشكلة والماضي والتفكير فيه ،،وصلنا للمستقبل وكيف بنتم خايفين منه وشو رح يصير معنا في الأيام الجاية وايش مخبيلنا ؟؟!! ،يعني عنجد يا ريت لو انا نحاول نعيش أحلى ما في لحظاتنا وننسى الماضي لانه اللي صار صار ما حدا يقدر يرجع الأيام ، ولا حتى نفكر في المستقبل تفكير عميق ، حلو انه الواحد يفكر في مستقبله بس مش لها الدرججة هاي ،، خاصة لانه الايام الحلوة في حياتنا ما رح ترجع واللي بتم هو بس ذكراها في قلوبنا ،، وزي ما بحكوا الابتسامة احلى اشي في هالدنيا وهي بتنسينا همومنا ....
يا ترى رح نقدر نعيش احلى ما في لحظاتنا وما نتم نفكر في الماضي وخايفين من المستقبل ؟؟؟ سؤال بيطرح نفسه ...