شوفير انترنت !!

والله إشي عنجد برفع الراس.. يعني كإنو الواحد صار يتخيل ماسك (جادون) و(ستيرنج) وعم بسوق... بسوق شو؟ قال «شفير إنترنت» قال!!!
بدت هالقصة من حكي هالشاب اللي الي زمان مش سامع صوته ولا شايفه حتى على الماسنجر –بما إنا صرنا نشوف العالم على الماسنجر يعني-:

A says:
مرحبا يا باشا
B says:
يا هلا والله.
A says:
وين الك فترة ما بتبين...
B says:
والله يا مان هيني عايش في هالدنيا
A says:
طيب كيف أمورك؟ وكيف بتقضي أيامك هالأيام؟... بتشتغل إشي يعني ولا لأ؟؟
B says:
آه بشتغل.. لول.. والله هينا صرنا شوفيرية انترنت والحمدالله
A says:
نعم.. نعم..؟ عيد شو حكيت.. شو شوفيرية انترنت.. كيف يعني! وطيب ليش شو السبب.
B says:
اه ليش مستغرب. اللي بتم سهران طول الليل مع نص النهار على الإنترنت شو لازم ينادوه يعني؟.. زيه زي شفير الفرشة اللي لا بشتغل ولا بعمل اشي في حياته.. أكل وشرب ونوم، وهلأ انترنت.
A says:
يعني أنا مش فاهم طيب شو جابرك ما تروح تدورلك على شغلة تشتغلها أحسن من كل هالحكي...
B says:
يا مان الله يسامحك يعني أنا لاقي شغل وقايل لأ.. ما أنت شايف ما أسوء هالوضع..
A says:
ما أنا مش شايفك بتدور على شغل، كل ما احكي معك بلاقيك في الدار.. وبعدين شو بتكون تسوي على الانترنت كل هالساعات ((اللي بشوفك بحكي عنك رجل أعمال))؟؟؟
B says:
يعني شو بعمل بكون فاتح الـ facebook والايميل وبchـيت مع اصحابي..
A says:
طيب بتملش من هالحكي كله يعني..
B says:
لا بملش من الحكي ma3 اصحابي..
A says:
عنجد الله y3enak شايفك صرت تكتب عربيزي..
B says:
اه الحمدلله5alas t3awadet على هالوضع كله.. صرت m3alem في الانترنت والشات، وكلشي.
A says:
يا مان al7aki ما بخلص. ابقى 5alena نشوفك اوكي، بدك اشي مني، كمان ebqa طمني شو بصير معك.. واذا بتنجح be emte7an السواقة تاع الانترنت بما انك ((شفير انترنت)) ..
B says:
Salamtak، بديش اشي، وبخبرك شو بصير معي على الايميل inshallah.. ادعيلي ابو شريك.

مابدي أطول أكتر من هيك.. حلو انو الواحد يقعد على الانترنت ويحكي مع صحابه وقرايبو وحبايبو وحبيباتو.. بس ماتوصل لدرجة الإدمان ويصير الواحد شغلتو وعملتو «الشات»..بتصور الأحسن من هيك إنو الواحد يدور ويعمل شغله يستفيد منها.. على فكرة هالمصطلح ((شفير الانترنت)) بدل على قلة الخواص والكسل.. وفي كتير مصطلحات وعبارات من نفس النوع بقاموسنا.. ياترى ليش في كتير من هاي العبارات؟!

[/center]

[/center][/size][/size]

طرح مميز جدا أخي

ولها معنى كبير وأكيد هدف أكبــر

رسالتك وصلت
فشكرا لك
وابقا هكذا

تتحفنا بمواضيعكـ

أنتظر ما هو بجعبتك من جديد ومميز

موضوع: شكرا جزيلا الثلاثاء 11 أغسطس 2009, 3:44 pm

شكرا جزيلا الك اخي احمد .. انا سعيد جدا لانك قمت بقراءة الموضوع .. انا اعلم ذلك .. وفعلا شكرا لك .. وبالنسبة لهذا الموضوع لقد قمت في الفترات السابقة بنشره في احدى المجلات الفلسطينية ....

واتمنى ان تعجبكم المواضيع التي ساطرحها في المنتدى ..........

[ندعوك للتسجيل في المنتدى أو التعريف بنفسك لمعاينة هذه الصورة]

موضوع رائع جدا

عجبني حقا

رائع كما صاحبه

شكرا لك من القلب عزيزي

مشكور اخي على الموضوع الرائع

تحياتي لك

[

size=18]شكرا جدا لكي يا فراشة المنتدى ... وعلى اهتمامكم بقراءة موضوعي ... وشكرا على اطرائكي الجميل ....[/size]

شكرا جزيلا لك على قراءتك للموضوع يا عاشق البندقية ... واتمنى ان تعجبكم المواضيع التي ساطرحها في المنتدى في الايام القادمة ...

سلمت يداااكـ !

و شكرا لكـ جزيل الشكر ...

و بانتظااار مزيدكـ و جديدكـ ...

دمت لمن تحب

في أمــــــــــــــان الله

[center] لا شكر على واجب يا وردة الاقصى ... هادا واجبي اني اشارك في المنتدى واوصل رسالتي لكل اللي بيقرؤا مواضيعي ... ويا رب اني اكون عند حسن الظن وفرصة سعيدة .... ومع خالص تحياتي واشواقي الحارة ....

[/center]

دام ابداعكـ لنا
ودمت سالما أخي

أخوكـ
الكنج

شكرا لك اخي احمد جزيل الشكر ،،، وسابقى عالى استمرار اطمئن ،،،

.

مشكور أخي كتير على الموضوع الهادف

كل التحية الك

شكرا جزيلا لكم جميعا .... وهذا يشجعني الى الامام .... فعلا شكرا الكم