موضوع بخصوص حذف مواضيعى....؟

بس الله الرحمن الرحيم
هادا الموضوع الى راح تقراوه بخصوص رد الاخ ناهض الموجود فى المنتدى السياسى
على موضوع الاخت فدائية فضائح حماس وعمالتها.... يالله الى يحتوى الموضوع على
كلام ما الو معنى قال انو مواضيعك او موضوعك يا فدائية ما راح ينحذف وراح
ينحذف كل مواضيع الاصيل هادا كلام واحدمدير منتدى انا بعرف انو مدير المنتدى
بتميز بعدم الحياز لاشخاص معينين فهو بكون مسؤول عن جميع الاعضاء فى المنتدى
يعنى انا بدى افهم ليش مواضيع الاصيل لازم تنحذف ومواضيع الاخت فدائية المليئة بالكذب
وكلها تاليف مش عارف من وين بتجيبها .
انا يا اخوتى مواضيعى ما فيها اى شىء غلط وبعدين جايبها من مصادر موئوقة مو زى الناس
التنانية تاليف وكذب وانا كمان بدى اعبر عن شعور والمواضيع الى بحطها بقراها مرة ومرتين
واذا وافقت وجهة نظرى بجطها ولا حد بقدر يقف فى وجهى
انا بديش اكتر فى الكلام لانو الكلام ما الو فايدة بس انا هادا الموضوع امسامح فى حذفه
بس اذا بصير حذ لاى موضوع بدى انزلو راح اعمل حاجات كتير
وانا فى حكييى هاد ما بخص كل الادارة انا بخص القائمين على حذف الموضوع وضد مواضيع الاصيل
ونا بديش احكى اسماء حتى لايقولو منحاز لحد يعنى بديش تصير فرقة فى المنتدى
تحياتى

الاصيل يمكن في سوء تفاهم

ولا ناهض مش اصدو

انا بقول يشيلو المنتدى السياسي احسن هههههه

ما تزعل حالك الاصيل

أخي الأصيـــل
مـــع تقديري لك ولشخصـــك الكريم أخي ولمساهماتك التي أبهرتنا جميعا

ولكننا رأينا منك بالاونة الأخيرة مواضيع ومساهمات في المنتدى السياسي

ضد القوانين

والأخ ناهض وأنا كمااان

غير منحاوزين لأيتهـــا طرف بالمنتدى

وين الحق .... بتلاقينا عنده خيووووووووووووو

تقبل الأمر واعتاد عليه
ولكن
كل من تسول له نفسه بفعل هذه الأخطــاء يجب أن تحذف مواضيعه
حتى لا تجري فوضى بالمنتدى

ولا ايه رايك يا أصيــــل

دمت بود

مح احترامي لجميع الاعضاء وجميع المشرفيين والادارين
كلام الاخ الاصيل ما فيه اي غلط ومن حقه يطلب هيك طلب بعدم حدف مواضيعه لانها ما ببتخالف مع القوانين بل بتعبر عن وجهت نظره وهي اكيد كله كلام حقيقي واقعي وانا بصفتي احد اعضاء هدا المنتدي واحد المشرفين الادارين اوافقه في رائيه وفي مواضيعه وبتمني من اصحاب الشأن انهم ما ينجروا وراء عواطفهم او وراء مصالح شخصيه لكسب المواقف علي مصلحت الاعضاء الاخرين ومن تسول له نفسه بعمل هدي التفاهات فسوف يرد عليه ولا يحق لاحد بحدف اي موضوع اي ان كان الي بمراجع صاحب الموضوع ومعرفة مصدر الموضوع ولا اخص جميع الموضيع انما المواضيع التي تخالف القوانين يجب حدفها سواء من المشرف علي القسم او من الادارة اما المواضيع المتعلق في القسم السياسي يجب مراجعتها ومعرفة مصادرها وادا كانت من مصادر موثوقه يجب ان لا تحدف بسب اختلاف في وجهات النظر وانا بصفتي احد الاعضاء والمشرف العام وحسب وجهت نظري فانا اوافق الاصيل علي رائيه وانني سوف اقف معه بجميع صلاحياتي لمنع حدف اي موضوع حتي لا نفقد الاعضاء بسب الخلافات في وجهات النظر وزي ما بنحكي بالبلدي مش كل الاصابع وحده واكيد احنا مش كلنا نفس الراي ويجب علي الجميع مهما كان انتمائه ومهما كان وضعه في المنتدي من اعضاء ومشرفين وادارين احترام هده الاراء
وتحياتي لجميع الاعضاء

اولا مرحب و مشكور يا اصيل على موضوعك الى قصة الحدف هي طلعت فيها اليومين هدول
انا بس بدي احكي رئي و ما بدي انحاز لحد
اول شي ادا كان كلام الاصيل صحيح بدك تحدف كل مواضيعه مثل ما انت حاكي يا ناهض فانت هيك بتضلمه بجد
و ادا واقف معك يا ناهض انا بحكيها بكون ضلمنا الرجل و ادا اوقف مع الاصيل فاكيد راح يعتبرني ناهض انا من الرجال الفاسدين في الادارة وانا الى مخرب المنتدى و مش عارف شووو و

بس انا بقول القصة هي تنحل و بسرعه و ما تكبر اكثر يا ناهض و يا اصيل علشان بعد هيك انا راح يكون الى رائي تاني
وتحياتي الك و له

سهم المحبة

بسم الله الرحمن الرحيم
اخى احمد:
ارجو انك لا تفهم الكلام غلط انا بس حبيت اوجه الكلام للاخ ناهض لانو تعمد
بانو يقصدنى انا فى موضوع فدائية الموجود الحين فى المنتدى السياسى
الاخ ناهض يريد ان يحذف مواضيعى باكملها يعنى كل موضوع انا بدى انزلو فى
المنتدى الاخ ناهض بدو يحذفو يعنى هاد يا اخ احمد يرضيك الكلام وكمان غير
هيك الاصل انو مواضيع وردود فدائية الى لازم تنحذف مو مواضيعى لانو
مواضيع فدائية هى الى بتعمل الفتنة داخل المنتدى
اخى ابو يزن:
مشكور اخى على فهمك لوجهة نظرى وتاييدك لكلامى
اخى سهم المحبة:
مشكور اخى سهم على ردك وانتا يا اخى من الذين قاموا ببناء ونجاح
هذا المنتدى مش زى ما بقولو انك بتخرب المنتدى وتعمل على فساده
تحياتى

هلا بالجميع

أخي الأصيــل .. الكل يتفهـم الأمر بأسلوب مختلف عن الأخر

ومثل ما قال أبو يزن برده .. انه أصابع اليد مش وحدة وبختلفوا

بالنسبة للمواضيـــــــع بحب أقول لك خيووو وللجميع ولكل من رد على الموضوع
حتى يكون الجميع بعلم يعني

لا أحد هنا بالمنتدى يظلم .... وكل من له حق يأخذه كاملا دونما تقصير
وبالنسبة للمواضيع .. خيوو الأخ ناهض اذا بدو يحذف مواضيع ما يحذفها هيك
لا يا خيووو لا تخاااف ... يعني القصة بس على المنمتدى السياسي
واذا الأخ ناهض بدو يحذف ما حدا بيقول له لا

عارف ليش ... لأنه الكابتن ناهض ما بيظلم حدا خيووووووووو
لا تخاااااااااااااااااااااف

ولا تخدع نفســـك بنفســـــــكـ

خيوووو ... كن مطمئنا

ولكن لا داعي للمواضيع العصبية
بالمنتدى السياسي

مدير المنتدى السياسي والمشرف عليه
AHMAD ALKING

السلام عليكم

انا هون

لا لحتى اكون سبب مشاكل

ولا فتن

ومواضيعي وردودي الكل شافها

وانا بعمري ما تعمدت اكون سبب مشلكة بالمنتدى

لحتى ننهي هالقصه

انا رح اتجاهل كل كلمة انقالت بحقي

ورح ابلش بالمنتدى من جديد

كأني اليوم سجلت بالمنتدى

لكن

متل مما انا بحترمكم

بتمنى تحترموا مواقفي

وما حدا يحاول يستفزني ولا يهددني ولا يجرحني

انا قدام الجميع

بحكي للاخوة

الاصيل وسهم المحبة

بتحبوا نبلش من جديد انا جاهزة

نحنا اخوة مش اعداء

انا ما بملك الا الكلمة

ولو ما قدرت استخدم الكلام اللي بقوله لحتى اثبت ذاتي ما بكون بستاهل

اخواني بالمنتدى

كلكم

من الكبير للزغير

اللي بيحب يبدأ معي من الصفر يعطيني خبر

وبوعدكم انسى كلشي صار

و وانتو كمان توعدوني انو تعاملوني كأخت ومش عدو

قدام الله وقدام الكل

وهي امانه امام الله

انو ننهي كل المشاكل وننسى كل شي صار

حتى حذف المواضيع

وحتى كل المسبات والشتائم والتخوين

لحتى نعيد الحياة لهاد المنتدى

اللي استوعب كلامي يرد خبر

والصلحه راح تكون بدعوة عامة

على حساب المختار سهم المحبة

وابو يزن

يعني الدفع من جيبتهم

اللي عندي قلته

والباقي عندكم

سلااااااااااماتي

خيتوووو فدائـــية
كلماتك تنال اجابي وتكبرين بعيني يوما عن يوم خيتووو العظيمة

أنت الكبيرة دائما ... وأنت من تسلكين الخطــوة الأولــــى

أنا أوافقكـ على رايك هذا
وها هي فرصة حتى تتصالحي مع الأعضاء

لكننا ننتظر الى أين سوف يوصلنا طريق المنتدى السياسي
ولا أعرف الى أين سوف يصل الخلاف بيني وبين الأخ جهــــــاد
وأبو يزن وسهم

فاسلكي هذا الطريق خيتووو .. حتى تتصالحي مع الأخــوة
وتصفى القلـــــــــــــوب

لعل هذه الخطـــوة
تتبعها خطوة المصالحة بين الأطراف التي كان يوجد بيني وبينهم خلاف خلال الاونة الأخيرة

مش هحذف الموضوع يا اصيل عشان تفهم انو شو قصدت بردي بالسياسي
رغم انتقادك الي فانا اتقبل النقد سواء منك او من اي احد اخر
وانا اذا ظلمت احد يا ريت يسامحني

تحياتي

تحياتي لجميع الاعضاء وعلي الردود المشرفة من الجميع هدا ما كنت اريده وانا والباقي من الاعضاء هوتفهم والقبول براي الاخرين يعني مش كل واحد مش عاجبه موضوع يقوم يحدفه لالا بالعكس يتم القاش فيه وتصحيح الاخطاء ان وجد وانا بنسبة الي وبصفتي مراقب عام اعلن عن بدي مفعول وسريان المصالحة الوطنية الاسرية من اليوم ومن يتخلف عن هده المصالحة فهو خارج عم الصف الوطني ولا يستحق بان يكون منا وفله الجزاء ومن الجميع فتح صفحات جديد وقلوب صافيه ان نكون اسرة مع بعضينا ومن اليوم فصاعد سوف يتم محاسبة كل من يحاول العبث في العلاقات الاسرية التي بيننا المبنية علي المحبة والاخوة والصداقة ومن جهة اخر ايرد كلامي يصل لكل من حاول التخلي عن المنتدي وطلب الانسحاب منه باي شكل من الاشكال بان يتراجع عن قراره ويفكر جيدا ولا وزي ما قالت الارهابية فادئية الصلحة عند ولا تطلبه انا مستعد فيه من الالف الي الياء
وتحياتي للجميع

اولا مرحب و انا سعيد في الكلام الى شفته في ردودكم
و تانيا هي فرصة جيدة للمصالحة بشكل عام بين الاعضاء و بين كل واحد مفكر حاله زعلان من حد
و على العموم انا عن نفسي الى زعلاته انا باي شي ما ياخد على خاطره و يا ريت ما يزعل يعتبرني اخوه الكبير و صرخت عليه
يعني هلحين في واحد بيزعل من اخو لحتى لو ضربه ساعات اكيد لالالالالالالا
وانا مش زعلان من حد لكن في شي انا اغضبني و ما حبت احكي عنه بس مازال في مصالحة و ما بدي اخليها في داخلي
واضل حاملها له وانا مستغرب من الناس الى دخلت نفسها في مواضيع ما لها شي و حاول يضع نفسه في مواجهه مع لكن
انا تجاهلته لاسباب كثيره في اولها انو انا ما بدي ادخل معه فيها لاني بحترمه و تاني شي هو ما بيستحق يدخل مواجه معي و اعتقد كده كفاية بنسبة لموضوع و في ناس تانية بتعتبرني من المخربين في المنتدى وانا اساس الفساد في المنتدى كل الى بقدر اقوله له مشكوره على تفكيرك الى انت ما خده عني و ادا انت شايف انا مصدر الفساد قلي وحياتك لسيبلك كل شي بس ما تروح تحكي لناس
من وراية و خايف تواجهني بس على العموم بسيطه و ملحقوله يا حجي

ومثل ما قال كاظم انسى العالم كله وانا بين احضانك ( المنتدى) انت في دنيا جديدة انت بدنيا جميله انت في عالم تاني عالم كله محبة لونته بحناني انسى العالم وانا بين احضانك انت في معبد روحي انت في محرابي انت صديق حساسي انت كل احبابي انت حبيبي عيوني

و مشكورين جميع الاعضاء الى شاركوا في الموضوع و تحياتي لكم فردا فردا
وتقبلوا مروري

سهم المحبة

أخي سهم المحبة

كلامي موجــه لك

بالتأكيــد أنا متفهم ردكـ وفاهمه مئة بالمئة بالمئة ، لكن خيوووو بس بدي أقول لك كلمة
وبدي اياكـ توخذها من منطلـــق أخوي خيووو الحبيب

أحب أقول أخي العزيز .. أني شخصيا لا أضع نفسي في مكان ليس لي .. يعني أنا دائما بالمنتدى موجود بالمكان اللي بستحق كون فيه وبالمكان اللي بوجد انه الأعضاء مقدمين لي الاحترااام والتقديـــر

خيووو الكريم .. لا يوجد هنالك أيتهــا مواجهات وكلام من ده خيوووووووو
لأنه المواجهة أصلا شيء وطبــع سلبي خيووو الكريم
وبحييك على كلماتك وردكـ
وأدام الله الصلحة والمعرووووووووووووووف
وهناكوا بالمنتدى

لنشوووووووووف قصتنا نحن متى سوف تحل
وانشاءالله عن قريب

تحياتي للجميـــع

أبو يزن
فدائية
فلسطينية
سهم
وكاتب الموضوع الأصيــل

AHMAD ALKING

احمد ما بدي اضل ادخل و اعيد في هالموضوعك
يا سيدي مكانك و نص خلص هيك اريح الك

وتحياتي لجميع و بتمنى ما حد يضله يحكي الى مواضيع من السابقة
وانا من اليوم راح ابدا في صفحة جديدة ما بدي حد يفكر في الماضي

وتحياتي لجميع

سهم المحبة

سهم المحبة

اوكـ ... وأنا موافق

تحياتي للجميــع

لالالالالالالالالالالالالالالالالالالالالالا

انا مش موافقة

شووووووو

وين يا عمي

بتضحكوا علينا يعني؟

الاخ سهم المحبة مبسوط بحالك؟؟؟؟؟؟؟

والله هيك ما بينفع

وانا ما برضى

وين المنااااااااااااااااااااااااااااااسف

صلحه ع الناشف؟؟

هيك يعني؟؟؟

يا عمي على الاقل

سندويشة فلافل

سهم المحبة وابو يزن

شاطرين بالحكي وبس

اذا ما بشوف الاكل

رح ارجع اعمل مشاكل

انتو حرين

معكم يوم ونص

وانا بستنى

pirat