اعلان هام لجميع الاعضاء

بسم الله الرحمن الرحيم
اللوحة السوداء
اخوانا اعضاء منتديات فلسطين بعد جهود حثيثة ومكثفة تم العثور علي بعض الفيروسات في منتديات فلسطين وبحمد الله تم السيطرة عليها
وهده الفيروسات ( بعض الاعضاء طبعا) تم الكشف عن نوايها السيئة والخبيثة تجاه ادارة واعضاء منتديات فلسطين وهدا الفيروسات شبكة من بقايا الاعضاء التي تم التعرف عليها في الوقت الحالي وتم التأكد من المعلومات تجاه احد هده الفيروسات وبعد جهودنا تم اثبات انه الرأس المدبر لهده الفيروسات وهو
(محمود) المعروف سابقا ( بمجنون سميح)
ويد بيد سويا الاستأصال هده الفئة من منتدياتنا
وسيعلم الدين ظلموا اي منقلب ينقلبون
اداة منتديات فلسطين

له له له له له له له له

شو هالكلام الخطــير ده .. كدا بردوا يا أخ محمود يا مجنون سميح

ما كنت أتصور ولو ثانية انك انت .. تكون وراء القصة دية

طيب احنا هون أصدقاء وحبايب

وبعد كل الوقت ده

نكتشف انه في خياانـة

وبعدين شو مصلحتك انك تدمر المنتدى بفيروساتك خيوووو

حقا

وعلى الباغــــي تدور الدواااائـــر

أخــــي أبو يزن

مشكور على الخبر

وأنا لي رجعة للموضوع عشان نزبط أخونا محمود

لأنه مهما حكيت ما حأشفي غليلي

اولا مشكور يا ابو يزن على موضوعك الحقود و الذي يدل على غريتك من الاخ محمود
و كمان انا قرا الموضوع و لن افعل مثل ما افعل اخي احمد رد بدون تحري و معرفة ادا كان هذا الكلام صحيح
ام لالالالا بس انا من النوع الى بحب احكم على الشخص بعد ما اعرفه و تبين الى
بعد الفحص على جميع برامج الانتى فيروسات مثل ما سموا الاخ محمود بانه فايروس و من هذه البرامج
الاكاسبر و النور و ايضا برنامج الافاست و كذلك برنامج النورتم ......الخ
تبين الى انه هنك عدد من الفيورسات و لكن الاخ محمود ليس منه و هذه الفيورسات التى اكتشفتها تتمثل
في ابو يزن و ايضا المدير العام جهاد و كذلك المشرف انس و بالتالي هم اخطر ناس على المنتديات
و يا ريت ما تحاولو انكم ترموا بلامكم على الناس الشرفاء في المنتدي و انتو مش صغار علشان تحسوده
للاخ محمود و بتمنى انكم تتراجعوا عن هيك افعال و انا بعرف انو انا جرحتكم في الحقيقة هي يا ااااا
ابو يزن و جهاد و انس بس الحقيقة افضل مهما كانت مره عليكم حتى ماتشوهه سمعت الاخ محمود و تحسوده

اخ محمود الك ايضا كلمة و بتمنى انك تفهمها صدق الامام الشافعي حينما قال
( اصبر على كيد الحسود فان صبرك قاتله فالنار تأكل بعضها إن لم تجد ما تأكله )
فبتمنا منك تتركهم كم اني بتمنى من الاعضاء ان يبدوا ارائهم بشكل صحيح
و بحسب معرفتهم بالاخ محمود ( مجنون سميح )

وشكرا لكم جميعا اعضاء مشرفين ادارة
وتحياتي لكم و لمنتديات فلسطين الرائده و الرائعة

سهم المحبة

اولا مشكور اخ احمد لانك اتاكدت ونزلت ردك بعد تحري مضني وباتمنى من باقي الاعضاء انهم يتحروا زي الاخ احمد اللي اساسا لم يرني ولم اراه من قبل ومشكووووووووووووووووووووووووووور
ثانيا اشكر الاخ سهم المحبة على رده اللي توخى فيه كل الحذر كي لا يكون امعة واشكر الاخ ابو يزن على موضوعه اللي يدل على انه حاقد جدا جدا جدا علي
وفي النهاية الي رجعة للموضوع وشكرا لكل الاعضاء اللي رح يردوا شواء بالذم والقذف او بتوخي الحذر وعدم الحكم على الناس دون تبين الامر كما فعل الاخ احمد الكنج

مشكور اخ احمد علي ردك وانا بقول لكم جميعا انه جاري البحث عن
باقي الاعضاء التي تشترك مع هدي الفئة الضاله علي منتدياتنا
وانا بقول لسهم المحبةنحنو لا نرمي احد بالباطل وفي عنا ادلالة
علي كلامنا واكيد حنكشفها للاعضاء وفي عنا معلومات عن عضو اخر
وجاري البحث عنه في الوقت الحالي وسيتم الكشف عنه لاحقا ان ثبت
عليه شي او كان مشترك مع هدي الفايروسات الخطيرة
وانا بقول لراس المدبره محمود نحنو لا نحقد علي

شكرا اخ ابو يزن على كلامك المقنع وانا بانتظر الدلائل بفارغ الصبر
وحابب اقلك اذا انا كنت فايروس ليه ما تبند حسابي بالمنتدى وتخلص من هيك فايروس خطير على حد قولك

شو يا جماااعة ... ويا أخي وحبيبي مجنون سميح

هلقيت أنا بلط وبقذف كلامي عليك خيووو ... ما كان ولو مرة بفكرك كده خيوو

بتمنى ما تزعل مني

لأنه أنا مش الي وجهت لك الاتهام

نحن أناس نأخذ أولا بالأسباب

وعليك خيووو ان كنت بريء

اثبات براءتك

ويا حبيبي

سامحني اذا جرحتك بردي الأول

وسلامي للجميع

وبنستنى قصة الفيروسات دي اللي حامت على المنتدى

الي أخونا أبو يزن بده يكشفها

2008/2009

اولا مسا الخير على الجميع
وباشكر اخي ابو يزن علىالاضاحات الي وضحلنا اياها
وباحب احكي للفيروس الي طلعلنا في السحبة "محمود"الي هو "مجنون سميح"
انو يلملم عزاله ويرحل من منتداناباقرب وقت ممكن
لانه احنا في المنتدى بوحدتنا وتماسكنا ومحبتنا ما راح نسمح لاي كان انه يضر بالمنتدى
لانه اي واحد بتسول اله نفسه بضر المنتدى ما راح يلاقي طيب "وقد اعذر من انذر"

وباحب احكي للاخ سهم المحبة على شو كل هالعصبية بالراحة علينا شوي
انتا بتتهمنا بكلام غير مسئول ويا ريت تراجع نفسك في معلوماتك وما تلط في ناس
هما الي شالو المنتدى على كتافهم من اجل شخص الله يعلم من وين جاي
ويا ريت تتاكد من معلوماتك لانه لما واحد مثل ابو يزن مراقب عام ينزل هيك موضوع
ما بيجيبه من دارهم الا يكون عندو ادله وهو قاللنا انو حيوضحها بعدين
فياريت تلتزم حدودك كمشرف وما تتدخل في شئون المختصين بهيك موضوع
وما تقعد تدور وراهم وتقول كلام فاضي
وباتشكر اخي احمد الكينج على تفهمو الوضع " الي ما سلم من كلامك يا سهم انتا والي اسمو محمود"
انـــــــــــــــــــــــــــــــــــــــــــــــــــــــــــــــــــــــــــــــس

اخي سهم المحبة
كل الود الك علي درك الي راح اقابلوا بكل روح رياضية يا كابتن
لاني ما تعودت ارمي الناس بهيك اتهامات
تاني شي يا حبيبي ما بنتهم احد من غير ما نتاكد منوا ونتاكد من المعلومات تجاهوا
الشخص الي تم ذكروا في الموضوع
الموضوع الي كان علي اجماع علي تنزيلوامن قبل الادارة
يعي تماما ما وجه الوا وبامكانك تراجعوا اخي سهم

أخي احمد الكنق
ما تقلق علينا اخي احنا علي اطلاع علي كل من تسول له نفسه تجاه المنتدي
وادارته
ويا ريت ما تطلب الاسف من احد
لانك تبدي رايك والجميع يحترمه
وكل الود الك

اخي انس
أكيد وحدة منتدانا ومحبة اعضاءنا لبعضهم ما راح تزحزحها
ايات فيروسات مهما كان حجمها
ومهما كان متواطئ من تلك الفيروسات
وبعدين الاخ سهم اكيد مش فاهم كلاموا الي بيحكيه
وبتمنا منوا انوا يعيد النظر في ردوا
لانوا الادارة عندما تحكم علي شخص وتتاكد من كلامها فهيا اكيد بتكون متاكدة
اخي سهم ما راح اعاتبك
اوكي
ويا ريت ترجع لرشدك ولحضن المنتدي الي ما الك عنوا بديل

كل التحيات لجميع الاعضاء الافاضل
وجميع المشرفين والمشرفات
واحنا بالمرصاد لكل من تسول له نفسه لان
تورط او تواطئ مع تلك الفئة الضالة
المارقة

تحياتي
جهاد

انا برأيي ما تنزل هيك موضوع الي وفي شي بدل على هيك
مش معقول يكون تبلي

وهاد بالاول وبالاخر عمل الادارة هاد الموضوع من عملهم

وهم هيك شاييفين وعندهم ادلة

ولازم مايضلو بالمنتدى هيك ناس ما بتستاهل هيك منتدى مشرف وذات قيمة

ومن رأيي كمان انو يتم النقاش في هيك موضوع بدون تجريح او ايذاء بطريقة او باخرى

الواحد يقرأ الرد الي كتبه قبل ما يبعته لانوالواحد مرات لما بكتب وبكون معصب
ما بعرف شو كتب

تحياتي
للجميع
فلسطينية

بسم الله الرحمن الرحيم

بعد التحايات التي قامت بها مصادرنا الموثوق

وبعد اطلاق كل خاصاتنا في منتديات فلسطين للتحري

عن المدعو / محمود """ او "" مجنون سميح "

تأكد لدينا ان المدعو محمود قد صرح تصريحات خطططططططططططططيرة

وقد قام بمحاولات عديدة للاطاحة بنظام منتديات فلسطين

وبعد تكأدنا ان هذا العضو مفيرس وهو عبارة عن فايرووووووس خطير

قد يضر بمصلحة منتدانا

قد تحركة كل اجهزتنا الامنية من برامج "الأمن الوقائي " الكاسبر" والمخابرات العامة " الافاست "
والأمن الوطني " nod " للقضاء على هذا الفيروووووس الخطير

فهي الان في الطريق أليه

وتحاصره من كل النواحي

فعليه احدا امرين لا ثالث لهما

اما الانسحاب بهدوووووووووووووء

وفي حالة عدم انسحابه بهدوووووووووء

سوف تقوووووووووم اجهزتنا بردعه

وسحقه والقضاء عليه نهائيا

كل و الاحترام و الشكر و التقديرلك اخي انس

كل التحية لك اخي سهم المحبة مع خالص احترامي

اخي جهاد واخي ابو يزن كل التحية لكم على المجهودات المميزة

والموضوعات الرائعة تقبلو خالص امنياتي بالتوفيق

والله يعطيكو العافية
و سنوافيكم بكل جديد

من تسول له نفسه اساءة استخدام المنتدى سواء في مساهماته او في أي خاصية كانت داخل المنتدى وثبت عليه ذلك لا يلوم الا نفسه لأنه حينها سيعرض نفسه للطرد الفوري من المنتدى ليس فقط بل سيحرم من ان يستطيع الدخول على الصفحة الرئيسية للمنتدى وذلك بحذر الأي بي للعضو وبذلك لا يتمكن من الوصول للمنتدى نهائياً

واللي بدو يجرب يحاول يجرب ويشوف شو بيصير معه

نحن هنا في منتديااات فلسطين

من هذه الصفحة ومن هذا المكان ومع احترامي لكل اداري في كل زمان وكان

أعلن .... اعلان وبتمنى ما حد يعارض عليه

نحن هنا نسير مع المنتدى مسيرة .. منذ ما بدأ حتى الان وفي وقتنا هذا وبجهودنا جعلنا المنتدى يرتقي ويتميز

ولن نسمح بتاتا لأي عضو سواء من كان

عضو .. مشرف .. مراقب .. وحتى اداري

أن يتلاعب بالمنتدى وتسول له نفسه الاساءة للمنتدى

لذا .. فعلينا اتقاء الله في أفعالنا ومن يعمل على اساءة المنتدى .. من دلوقتي يترك المنتدى ويا دار ما دخلك شــر

ولكن ان تم كشفه

سيتم اجراء الاجراءات الغير مرضية له أبدا

ولكل شخص بالمنتدى

نعلن .. من يلاحظ أي تلاعب بالمنتدى أو أي اعلانات يضعها أحد أعضاء المنتدى أو أي تواقيع خليعة أو أي مسبات قذرة

ارسال رسالة خاصة تتضمن الموضوع

لأي اداري بالمنتدى

وأنا بفضل تبعتوا الرسالة للأخ

جـــهـــــــــــــــــــاد

وعلى الباغي ستدور الدوائر

وقد أعذر من أنذر

والسلام ختااامـ

ahmad alking

"ولكم في القصاص حياة ياأولي الألباب" صدق الله العظيم
ا الحمد لله انه في ناس بخير بالمنتدى قدرت تظبط هالفيروس قبل ماينتشر ويترعرع بين اسياده لهذا
يجب وضع حد لهذا الفيروس قبل الانتشار وهو بالاستئصال والابادة التامة لهذا الفيروس حتى لاتنتشر امراضه
بيننا "وتقع الفاس في الراس" على راي المثل "اضرب ع الحديد وهو سخن" ونشكر ادارة المنتدى على اضاحتها
لهذا الفيروس حتى ياخذ عقابه ............... مع خالص تحياتي
ا

مممممممممم

والله اللي بيصير كله واضح ومفهوم هاد الاشي قبل ما يصير

هدول الشباب اللي اكتشفتوا واخيرا اهم فيروسات كانوا بالاصل السبب في خروج افضل اعضاء المنتدى

وخسارة افضل العلاقات بين اخوتنا بالمنتدى

واما بقلكم انو الفدائية كانت تنبهكم من المشاكل الي بيسببوها

وكل هي المشاكل كانت لحتى ما يضل التفاهم والانسجام اللي وصلنا اله في هاد المنتدى

وانا بعترف اني شاركت بهاد المنتدى عن طريق اختي فدائية

قالتلي انو في منتدى كل الاعضاء اللي فيه اخوة وبيحبوا بعض وبيحترموا بعض

وانا لقيت هاد الاشي موجود

لكن لفترة محددة لحتى صار هدول الفيروسات يتدخلوا بشغلها وبكلامها ويحرضوا الاعضاء عليها

وللاسف ان في اعضاء مشوا معهم وصدقوهم وانجروا معهم في فتنة وحزبية لحتى خسرناها من المنتدى

انا حاليا بعد اللي صار بدي منكم تراجعوا انفسكم

وتعترفوا بين انفسكم انو هاد اللي صار فعلا من تخطيط وتدبير اعضاء معروفين ومكشوفين بس مشان منتدى فلسطين ما يضل بالقمة
ولحتى تصير الخلافات بين الاعضاء ولحتى نخسر بعض

بتصور ان مجنون سميح واتباعه قدرو يحققوا هاد الاشي

وخلص بيكفي

بس بتمنى باسرع وقت ممكن تقضوا على هدول الفئة الضالة اللي ما بتحب الخير ولا السلام ولا بتحب نضل اخوة ونضل بالقمة
الله يريحنا منهم على اهون سبب

والسلام عليكم.

كلام سليم مئة بالمئة خيتوو أم حسن

كل ده بيحصل عشان يفكفك الأعضااء

وحقا نأسف علي اللي صار بالمنتدى

من ترك الأ‘عضاء له وما شابه ذلك

ولكن نعدكي خيتوووو

المية حترجع لمجاريها

وانشاءالله خير

السلام عليكم ورحمة الله وبركاته
قبل كل اشي الاخ محمود يعني كلامك وتهديداتك للمنتدى
ملهاش لازمة لأنها ما راح ترد عزيمتنا لنكمل المسيرة التي بدأناها
وكونا أسرة متحابة أساسها الاخوة والمحبة والاخلاص لقضيتنا ولثوابتنا
ولعقيدتنا وايديولوجيتنا المنطلقة من فكرنا الحر الراقي لا يسمح لنا بأن
تنطلق بتهديداتك لإيذاء المنتدى اللي استمر وكبر بمجهود الاعضاء المخلصين
لذلك وايضاحاً للأمور أخ سهم المحبة ولكي تعرف أن ادارة منتديات فلسطين لا ترمي الناس بهتانا
وظلما تم اطلاق تهديد من الاخ محمود باسمه وصفته للاخ جهاد بتدمير المنتدى وانطلاقا من حرصنا على عدم المساس بالمنتدى توجه الاخ جهاد للاخ أبو يزن لايضاح هذا المشكل بطرق باب الموضوع في المنتدى العام
واذا كانت هناك صحبة تجمعك بالاخ محمود فهذا خارج المنتدى ليس بالداخل هنا فنحن هنا ليس أصدقاء وانما اخوةنعم اخوة لذلك تقرر الأتي//

أولا:الاخ محمود تهديداتك لنفسك لا تنادي بها ولا تراهن عليها هنا في منتديات فلسطين
تانيا:الاخ سهم المحبة مشرفنا العظيم كان من الاولي ان تكون في صف الادارة ولا تنطلق في صف من يهددون المنتدى بالتدمير ولو كانوا اصدقاء لك ..
ثالثا: ممنوع طرح الموضوع هذا للنقاش مرة أخري والموضوع مغلق ومن يحاول طرح الموضوع مرة اخري سيتم ايقاف عضويته
رابعا:الاخ محمود لا نستغني عنك كعضو بيننا لأنه القول ليس كالفعل اي ان قولك بانك ستدمر المنتدى سأعتبر نفسي وادارة المنتدى لم نسمع منه شيء ويا دار ما دخلك شر ليس من منطلق خوف او عدم المقدرة على السيطرة على الامور ولكن من منطلق الفكر الراقي الحر الذي نسعي لنشره بين الاعضاء في منتدانا الغالي
خامسا:الاخ سهم المحبة بصفتك مشرف للقسم تود الادارة تنبيهك لأي محاولة لاعادة فتح الموضوع سواء من طرفك أو من طرف محمود او من طرف أي احد كان احذف الموضوع نهائيا وأخبرني بمن لا يريد اخماد الفتنة لكي أخمده بطريقتي الخاصة

وفي النهاية بحب أحكي انو محمود أخ النا بالمنتدى ما دام يحترم ادارة المنتدى اما اذا لم يفعل فهو باعتقادي يعرف هو والجميع ما مصير من تسول له نفسه التلاعب بالمنتدى وادارته

تحياتي للجميع