الأخت الكريمة ..شهد البستان ضيفتنا على كرسى الإعتراف

السلام عليكم ورحمة الله وبركاته

cheers

الابداع والتمـيز ..
ه هو ذاك المســمى لمنتدى فلسطين بالنسبة لي ..
فحينما لا يكون للخطوات اي تركيز ..
و و لا للتفكيراى مجال ..
حينما تتكون الحيرة على غشــاوة القلب ..
و و تستمر في قالبِ الســكون لا يكون سوى ذلك الطريق الذي اسلكه ..
هنا بينكم احبتي ...
بين من احبهم القلب ..
و و اطمأنت لهم الروح ..
وكانت الحياه معهم طعم أخـر ..

لا أعلم بأى كلمة أبدأ الحوار ...ولكن هناكـ كلمة اود ان اقولها

[اليــــوم ومع إطلالة جديــــــــدة من أحضان كرسي الاعتراف
نستقبل كعادتنا أخوة وأخــوات , لهم حضور كان ومازل يعطر المكان..
نعود معكم إلى هذا الكرسي ........ الركن الهادئ الذي جلسنا حوله كثيرا
مع أخوة لنا شاركونا بناء هذا البيت ..... فتحو لنا قلوبهم وأفضو لنا بكلمات
شكلت لنا صفحة من الذكريات الجميلة نعود إليها كلما إشتقنا لشذى عطوورهم
وعبير تواجدهم ...
[

..... وهنا نحن نعيد الجلوس حول الكرسي مع ضيفه جديده
ملكت القلوب في اطلالتهـــا ..
وسحرت الصفحات بأبداعاتهــــــا اللطيفه المميـــزه
لا يمكن وصفها بكلمة أو اثنتين ...
فــ هي دعامة أساسية من دعامات سما الاقصى
لهـــا بريق خـــاص تــ ع ـــكسة علـى جميـــع الاعضـــاء
فلا عجب أن احتلت مكانة في قلوب الجميع

تتمنـــيت لو أن أحــد من مبـــدعي فلسطين يتــولى تقديمـــها لكــم
فقـــط ليحـــسن وصفهـــا بمـــا تستحـــق ....
ولكننىوددت أن أحتفـــظ لنفســـي بــشرف تقديمـــها لكــمــ
بـــرغم قصـــوري في التعبيـــر وتواضـــع حروفي ...
بــــك يتشرف الكرسي ....

.....^^شهـــد البســـتان^^.....
أهــــلا بـــكى علـــى كرســي الاعتـــراف لتضيـــئي لنـــا ذلـــك الجزء الخــــاص منكــ....

شاكرة لكى من القلب قبـــول الدعـــوة ...

* ولــي عوده بإذنه تعــالي لانثـــر لكــ أسألتـــي ..

فنجان قهوة بداية الطريق

من سوء حظك أن أسئلة اليوم بعضها سيكون مخجل بعض الشيئ ولكن أريد منكى التفاعل والإجابة عليها بأكملها وستكون هذه شجاعة منك
ماذا يعنى لكى الرجل ؟
هل تؤمنين بالحب ؟ ولماذا ؟
هل تحبين أحد بالمنتدى غير الحب الأخوى ؟
من أكثر شخص تثقين به ؟ ولماذا ؟
جاء شاب لخطبتك وكنتى تحبينه ولكن أهلك رفضوه فماذا تفعلين؟
ما هو أكثر موقف أحرجك فى حياتك ؟
هل لديكى الشجاعة لتقولى لشخص أنكى تحبيه ؟ ولماذا ؟
كثرت عليكى أعباء البيت وليس هناك من يساعدك فماذا تفعلين ؟
كم مرة أخطأتى خطأ ً فادحا ً فى حق نفسك أو فى حق أحد المحيطين بكى ؟ وماذا فعلتى فى كل مرة ؟
هل تظنين أنكى على قدر وافر من الذكاء ؟ إن كان الجواب نعم فما دليلك وإن كان لا فلماذا ؟هل تعتقدين أنكى غبية ؟ ولماذا ؟
الآن تبدأ الأسئلة الصعبة جدا :-
إذا عرضتى على ربك وكلك ذنوب فماذا ستقولين له ؟
هل تظنين أنكى إذا توفيتى اليوم أنكى ستكونين من أهل الجنة ؟
هل فعلتى من الطاعة والعبادة ما يشفع لكى عند ربك يوم العرض ؟ إن كان الجواب نعم فلا تطيعيه ولا تعبديه بعد اليوم ؟
هل تحاسبين نفسك على ذنوبك ؟ إن كان الجواب نعم فكيف ؟ وإن كان لا فلماذا ؟
السؤال الأخير ،،،،،،،، هل جاوبتى عن جميع الأسئلة بمنتهى الصراحة ؟
شكرا جزيلا لكى يا سمراء فلسطين على إهتمامك
ويارب تكون الأسئلة قد نالت إعجابك
تحياتيـ سمراء فلسطين

ماذا يعنى لكى الرجل ؟
مجرد انسان عادي ...ما عندي اهتمام كبير انو يعنيلي

هل تؤمنين بالحب ؟ ولماذا ؟
اكيد ..
لانه احساس من الداخل ..مشاعر من النفس

هل تحبين أحد بالمنتدى غير الحب الأخوى ؟
لاء..كلهم اخوتي واصدقائي

من أكثر شخص تثقين به ؟ ولماذا ؟
انا عادة بثق بكل من هو قريب مني بس اكتر ثقة عندي هي ثقتي بنفسي ما في اكتر اثق فيه.
لانو طالما انا واثقة من نفسي ما بحتاج ثقة الناس فيا

.جاء شاب لخطبتك وكنتى تحبينه ولكن أهلك رفضوه فماذا تفعلين؟
ولاشي ..بما انو الاهل مش موافقين ما النا نصيب نكون لبعض ما اغضب اهلي عشان سعادتي

ما هو أكثر موقف أحرجك فى حياتك ؟
مرة اسئت الظن بإحدى صديقاتي ..واعز صديقة كانت ..فا كان شي محرج فعلا اني اسئت الظن فيها

هل لديكى الشجاعة لتقولى لشخص أنكى تحبيه ؟ ولماذا ؟
اكيد ..الي الشجاعة
لانو الحب ما بتخبى ..وطالما انا شاعرة بحبه الي ما عندي اي تردد

كثرت عليكى أعباء البيت وليس هناك من يساعدك فماذا تفعلين ؟
بكون قد المسؤولية واتكفل بالعناية فيه

كم مرة أخطأتى خطأ ً فادحا ً فى حق نفسك أو فى حق أحد المحيطين بكى ؟ وماذا فعلتى فى كل مرة ؟
في حق نفسي هي كانت مرة وحدة...وكانت غلطة عن جهل
ماذا فعل؟اكيد لجئت لربنا انو يغفرلي هالشي الي انا غلطت فيه وانا متاكدة انو ربنا غفرلي لانو ربنا اول شي كريم وكمان انا كنت جاهلة ولمن كبرت عرفت انها غلط
بس من ناحية الاخرين ما غلطت بحق حد

هل تظنين أنكى على قدر وافر من الذكاء ؟ إن كان الجواب نعم فما دليلك وإن كان لا فلماذا ؟هل تعتقدين أنكى غبية ؟ ولماذا ؟
مش على قدر وافر ..الانسان بطبيعته الفطرية فيه العقل انو يكون جزء من الزكاء وجزء من الغباء انا نسبة الزكاء عندي طبيعية جدا ..بس في بعض الامور بكون زكية فيها...الدليل ..انو ما بخطي خطوة الا واكون عارفة شو بدو يجي بعدها...بالنسبة للغباء اكيد في بعض الاوقات بطلع الغباء وفي اوقات محرجة جدا ...بسبب انو ما بكون في تركيز او استعداد لاي شي ممكن يكون مفاجأ.

إذا عرضتى على ربك وكلك ذنوب فماذا ستقولين له ؟
اكيد اني حكون ماكلة حالي من الخجل وانا تحتيه بهيك حالة ..بس اولشي اصفي قلبي من النوايا السيئة وبعدين ادعيه بالدعاء الي ممكن ربنا يستجيبه بسرعة...اللهم يا مالك الملك برحمتك استغيث..اصلح لي شئني كله ..ونقني من الخطايا كما ينقى الثوب الابيض من الدنس وباعد بيني وبين خطاياي كما باعت بين المشرق والمغرب..إلخ..

هل تظنين أنكى إذا توفيتى اليوم أنكى ستكونين من أهل الجنة ؟
أول شي الاعمار بيد الله ..تاني شي الواحد ما بعرف مصيره شو وما بعرف كيف بدها تكون موته ..فأنا ما بقدر جاوب على هاد السؤال لانه العلم عند الله وحده.

هل فعلتى من الطاعة والعبادة ما يشفع لكى عند ربك يوم العرض ؟ إن كان الجواب نعم فلا تطيعيه ولا تعبديه بعد اليوم ؟
والله بهيك حاله انا بطمع بكرم ربنا عليا ومهما اعمل ما بوفي اي شي ربنا عملي اياه ..من كل خير اعطاني اياه والحمدلله على كل شي وانا لو كنت عاملة شي يشفعلي يوم القيامة ما راح وفي معروفي وحبي لربنا

هل تحاسبين نفسك على ذنوبك ؟ إن كان الجواب نعم فكيف ؟ وإن كان لا فلماذا ؟
اكيد كل لحظة وكل ثانية بحاسب نفسي على كل شي عملتو مش بوقتها بقبل ولا باي وقت ازنبت فيه..اكيد برده ما الي غير الله اني الجاله انو يغفرلي زنوبي

هل جاوبتى عن جميع الأسئلة بمنتهى الصراحة ؟
اكيد ..وكل سئال جاوبته كان صادق بينه وبين ربنا والحمدلله

اول شي انا ما عندي اسأله لشهد بس
كل الى عندي بقدر اقول لها ربنا بيوفقك و يعينك على الى انتى فيه
بعدين حظك انو هي مش اسأله هي لعبه
بس للامانه حوووووته طلعتي و جاوبتي على كل الاسئلة
وتحياتي الك يا شهد و يا سمرا ولكرسي الاعتراف

سهم المحبة

كيفك سمر هل انتي من المزاج ارايق ام عصبيه

شهد انتي اي هوايه بتحبي

هل انتي تحزني كثير

كم عمرك هل جربتي الحب اذا نعم كيف رئيك فيه

هل انتي نفسك تحبي

شهد البستان على الكرسي ... يا مرحبا يا مرحبا

خيتوو شهد أنا حأسألك سؤال واحد

وأتمنى انك تقوليه بصدق وصراااحة

(( ما هو أصعب موقف مررتي به بحياتك ))

وربنا يوفقك خيتوو بحياتك ويوفقنا جميعا واجاباتك اللي موجودة بالأعلى قرأتها سطر سطر وكلمة كلمة
خيتووو صراحتك مطلقة

وأتممنى لك دوام التوفيق

ahmad alking

البيت :-

- كم رقم ترتيبك في الأسرة؟

- من هو الاقرب لك من أعضاء أسرتك؟

- حدد أهم الأمور التي تقوم فيها وانت في البيت؟

- اكله تحبها كثيرا..؟

- مشروب يستهويك دائما؟

- ماهو الطلب الملح الذي تطمع به من أسرتك ولم يتحقق حتى الآن؟

- عندما تشاهد التلفاز : ماهو ابرز مايستدعي انتباهك وتحرص على متابعته؟

- ماهي أوقات النوم المفضلة لك؟

الحياة :-
- حكمة تؤمن بها كثيرا ؟

- احب الالوان الى نفسك ؟

- دولة تتمنى ان تسافر اليها ؟

- ماهي الوظيفة التي تتمناها لنفسك؟

- حدد اسم اليوم الذي تحبه واذكر السبب؟

-حدداسم اليوم الذي تكرهه واذكر السبب؟؟

- مكان يعجبك كثيرا وتتردد عليه دائما؟

- أقرب الاصدقاء الى قلبك ؟

المدرسة :-
- مدرس لازال في ذاكرتك .. ولماذا؟

- مواد دراسية تحبها كثيرا ؟

- مواد دراسية تكرها كثيرا؟

- حدد بالضبط موقع جلوسك في الفصل؟

- ماهي احب المراحل الدراسية الى نفسك؟

- ماهو ابرز عقاب مر عليك طوال فترة الدراسة وباي سنه؟

- هل حصلت على شهادات تميز خاصة وفي أي سنة؟

- سنة دراسية تعد هي الأجمل في حياتك؟

- موقف محرج حدث لك في المدرسة؟:

المنتدى...
- عضو تعلمت منه الكثير ؟

- عضو لا تتمنى ان يغيب ابدا ؟

- عضو مشاغب ؟

- عضو يعتبر الاميز في نفسك ؟

- عضو تعرفه خارج المنتدى ؟

- عضو تكونت لديك علاقة معه عن طريق المنتدى ؟

- عضو ترى ان لديه امكانيات كبيرة ولم يقدمها حتى الآن ؟

تقبلو فائق احترامي ..................

اسيروووووو2

بحب اشكر الاخت شهد ع جرأتها وصراحتها وبحب احكيلها الله يوفئها بحاتها وان شاء الله تلاقي حد تحبه

لانها بتستاهل كل خير

طبعا انا ما بدي اثقلها عليكي واسألك شي

مشكوره كمان مره ع صراحتك

مع فائق احترامي انس

مشكوره شهد عصرااحتك
ويلا ورجيهم شطارتك وجااوبي عباقي الاسئله يا شطوره

وما رح اسئلك.. يلا عيشي

تحيااتي
جيفارا

مشكووووره شهد ع صراحتك واجوبتك الحلوه والصادقه

واناما بدي اسئلك

لان اسير 2 وسمراء قاموا بالواجب وذبحوكي بالاسئله

ههههههههههه

هل انتي من المزاج ارايق ام عصبيه؟؟
انا في بعض الاحيان بكون عصبية لدرجة فظيعة..بس بشكل عام انا رايقة مع الحلوين الي زيكم

انتي اي هوايه بتحبي؟؟
انا هوايتي الرياضة بكل انواعها ..وحاليا انا بمارس كرة الطائرة ولسباحة والباسكت والجري ويعني بشكل عام ممكن لو توفر اكتر كان انا بمارسها.

هل انتي تحزني كثير؟؟
والله من ناحية الحزن ما بفارقني بس انا من النوع المرح يعني وانا زعلانة ممكن تلاقيني بضحك بمزح يعني الصحة ضرورية والحزن باثر.

هل عمرك هل جربتي الحب اذا نعم كيف رئيك فيه؟؟
والله انا عندي قاعدة .انو الحب مجرد لعبة او كزبة انا ما بحب اكون جوة هيك لعبة وهيك كزبة؟

هل انتي نفسك تحبي؟؟
اكيد كا شخص نفسه يحب..انا اكيد نفسي احب بس كل شي بوقته حلو.

ما هو أصعب موقف مررتي به بحياتك ؟؟
والله يا اخ احمد سؤالك اكتر سؤال حيرني وما بعرف كيف بدي جاوبك عليه..يعني هو كتير مواقف صعبة مرت علي ومش كتير زاكرة لانو زي ما تحكي الزهايمر داقق فيا ههههههه بس اكير موقف صعب مر علي وانا ب3 الاعدادي بالمدرسة ..كان يوم علي ازاعة وانا كان موضوعي عن الرسول عليه الصلاةوالسلام وكان الموضوع عن غيب يعني احفظه واحكيه على منصة المدرسة ..بلي تفهمها حفظنا الموضوع اجا دوري اني احكي الموضوع ..وزي الي عنجد يعني حفظته وبدي ابين شطارتي المهم طرشت اول اربع جمل طرش عشان ما انساهم ويا عيني على الباقي ازا انت زكرهم زكرني فيهم والله وانيل موقف مر علي جد كان احراج ..وحرمت بعدها احكي مواضيع وضليت على المقدمات ..والله انا ما بدي افضح حالي بس حضرتك بدك تعرف يلا اعرف واضحك كمان ههههههه.

كم رقم ترتيبك في الأسرة؟
انا ترتيبي السابعة من اسرتي .

من هو الاقرب لك من أعضاء أسرتك؟
كلهم عندي زي بعض يعني انا قريبة كتير من اهلي وهما قريبين مني بس الي كتير كتير اختي اكبر مني بسنتين .

حدد أهم الأمور التي تقوم فيها وانت في البيت؟؟
مشاهدة التلفزيون هادا اهم شي لازم اعملو وماشالله بالساعات عليه..هههههه.

اكله تحبها كثيرا..؟
لمسخن ولسنيتشل بحبهم زي بعض.

مشروب يستهويك دائما؟
اكيد عصير المانجا.

ماهو الطلب الملح الذي تطمع به من أسرتك ولم يتحقق حتى الآن؟
الحمدلله اهلي مش مخليني اني استنى منهم شي لانهم من نفسهم موفرين كل شي مادي ومعنوي.

عندما تشاهد التلفاز : ماهو ابرز مايستدعي انتباهك وتحرص على متابعته؟
هادا اهم شي ..افلام الرعب بعشقها بتعابع كل فلم بيومه وما بضيع شي منها.

ماهي أوقات النوم المفضلة لك؟
انا عادتا ما بحب النوم بس الجسم لمن بحتاج للراحة برتخي الجسم لوحده وهي فترة المسا اكيد يعني النوم بالنهار ما بحبه.لانو بروح اليوم وانا مش حاسة فيه .

حكمة تؤمن بها كثيرا ؟
اينما وجد الظلم فهذا موطني ..هادي حكاها القائد تشي جيفارا واكيد انا مؤمنة فيها.

احب الالوان الى نفسك ؟
بلاك ..الاسود اكتر الالوان بعشقها .

دولة تتمنى ان تسافر اليها ؟
اكيد دبي ..واكتر شي بتشوقة ازوره برج العرب..بس اتصور جمبو واروح.ههههههه.

ماهي الوظيفة التي تتمناها لنفسك؟
اكيد الصحافة ..والحمدلله بلشت احققها.

حدد اسم اليوم الذي تحبه واذكر السبب؟
بحب يوم السبت ..لانو بداية اسبوع وايام جديدة فا انا بتفائل باي شي بكون فتح لشي جاي.

حدداسم اليوم الذي تكرهه واذكر السبب؟؟
يو مالاربعاء ..لانو كتير صارت في مواقف قاسية وحزينة ويعني اغلبها صارت بهيك يوم.

مكان يعجبك كثيرا وتتردد عليه دائما؟
انا اكتر مكان بعجبني ..قعدة البحر وممكن اروحه اي وقت لانو ما في بينا وبينه مسافة.

أقرب الاصدقاء الى قلبك ؟
اكيد هما صديقين ..صديق وصديقة بس من غير زكر اسماء اسفة.

مدرس لازال في ذاكرتك .. ولماذا؟
هو بشكل عام مدرسين الثانوية كانو احلى مدرسين ...وكلهم ما بنساهم.

مواد دراسية تحبها كثيرا ؟
التاريخ.

مواد دراسية تكرها كثيرا؟
العربي.

حدد بالضبط موقع جلوسك في الفصل؟
الكرسي الاول امام المدرس.. من يوم ما دخلت المدرسة.

ماهي احب المراحل الدراسية الى نفسك؟
الثانوية.

ماهو ابرز عقاب مر عليك طوال فترة الدراسة وباي سنه؟
الحمدلله عمري ما قصرت بشي من ناحية المدرسة وما مر علي انو حد يعاقبني.

هل حصلت على شهادات تميز خاصة وفي أي سنة؟
والله بصراحة كنت نشيطة بس كان في غيري سابقني يعني مش من الضروري اني احمل امتياز.

سنة دراسية تعد هي الأجمل في حياتك؟
توجيهي..الثانوية العامة احلى سنة ..بس كانت قاسية بالنسبة للامتحانات.

موقف محرج حدث لك في المدرسة؟
هادا السؤال جاوبت عليه من خلال سؤال الاخ احمد.

عضو تعلمت منه الكثير ؟
اكيد الاخت فدائية تعلمت منها اشياء كتيرة وكان فخر الي انها علمتني اشاياء انا ما كنت اعرفها وهي متل اختي لكبيرة.

عضو لا تتمنى ان يغيب ابدا ؟
اكيد هو اسير عزيز علي وما بحب انو يغيب ابدا.

عضو مشاغب ؟
والله بصراحة انا ما بعرف كل الاعضاء وما شفت انو واحد منهم مشاغب من الي بعرفهم.

عضو يعتبر الاميز في نفسك ؟
هو كلهم مميزين بس انا بدي احكي تنين انهم بستحقو التمييز اول شي احمد الكينج وبعدين اسير.

عضو تعرفه خارج المنتدى ؟
اسير انا بعرفه قبل المنتدى هو صديق من سنتين.

عضو تكونت لديك علاقة معه عن طريق المنتدى ؟
فدائية ..سمارا .

عضو ترى ان لديه امكانيات كبيرة ولم يقدمها حتى الآن ؟
ممكن في بس وانا ما عندي اي فكرة .

اوكي انا بتشكر الجميع وبتمنى اني ما اكون زعلت حد باي اجابة او دايقت اي حد وانا جد حبيتكم بكل صدق وصراحة...تحياتي الكم مع فائق الاحترام والتقدير..

الله الله الله
يا عيني علي الصراحة البحت
اوك يا جماعة
يا أخت شهد البستان أكيد أنا را أسأل سؤال ؟؟
شو تقيمك للمنتدي بشكل عام ؟؟
هل أنتي تري ان كل مشرف وضع في مكانه المناسب بصراحة ؟؟ هذا السؤال بصفتك عضوة محتهدة جدااا بالمنتدي ....
تحياتي الك أخت اسيرة

خيتووووو شهد البستان

المنتدى محظوظ انه فيه عضوة مثلك وصراحتك الفائقة وكلامك الرائع واجابتك المنسجمة والجميلة

خيتوووو بشكرك على اجاباتك جدا جدا

وتحياتعي لكي

وما في حد مميز غيرك خيتووو

تحياتي

ahmad alking

زائر

اولا شكرا علي الاقتراح بفتح هيك منتدي وشكرا
لصحاب الفكرة بس هيك منتدي بدو يكون اوحد
صادق مع نفسه عشان يكون صادق مع غيره
وسؤالي للاخت شهد هو
ايش اكتر موقف صعب مر في حياتيك ؟؟؟
وكيف وجهتيه؟؟؟
وتحياتي للجميع

شهد مشكورة كتير علي

صراحتك

وبتمنالك حياة مليئة بالسعادة

تحياتي

جهاد

لالالالالالا عنجد اجابات بتجنن
يا ريت تقبلينى كصديقة[b]

مشكوره اختي شهد على هيك صراحه وجرئه وعنجد متل ما حكى احمد احنا محضوضين بيكي اكتير والله

وانا بتمنى الك السعاده والنجاح يا رب

والله يوفقك بحياتك

ويخليكي فخر النا واللمنتدى

مووووودتي اسيرو 2

انا مشكورة للجميع وتحياتي للجميع واحترامي وتقديري الهم كلهم.
بالنسبة للاخ ابن الجنوب على سؤاله ..انا تقييمي للمنتدى بشكل عام انو منتدى رائع فعلا وممتاز ومرح وانا بتمنى انو ينجح ويكون مشهور ويحصل على لقب(أفضل المنتديات).
وانا جد ممنونة للجميع وما بعرف كيف بدي اتشكركم
اختكم شهد البستان