تعالوا شوفو حوا زمااااان وحوا هالايام !!!!!!!!!!!

السلااام عليكم

اخواني الاعزاء

إليكم هذا الحوار بين (امرأة أيام زمان وزوجها):

** وباللهجه السوريه لحتى ما نتغلب**

يعني عملتلكم مسلسل سوري لحتى تبسطو

الزوج:
- مرحبا يا مرة... شو عاملتينا عشا اليوم؟

الزوجة:
- يه يه يه... تقبر عضامي... إجيت حبيبي؟!! تقبرني شو حركتك خفيفة وما بتزعج حدا... لك حلّت البركة على أرض الديار يا روحي... طابختلك حرّه بأصابيعو ويالنجي وكبة لبنية تقبشني...

الزوج:
- يا الله يالله بلا كتر غلبة، قومي حطي الأكل قومي..

الزوجة:
- لك إي مو تكرم ابن عمي... مو تكرم... لك من هالعين هَي قبل هَي...

الزوج:
- ناموا الولاد؟

الزوجة من المطبخ:
- ناموا حبيبي ناموا على عشية، وحميتلّك الحمام يا عمري...

الزوج بعد أن يرى أصناف المائدة أمامه:
- إيييييييييييييييييييييييه... باين السهرة رح تحلى اليوم...

يمضغ اللقمة الأولى ويقول:
- ممممممممممممم طيبة هالكبة طيبة!!!

الزوجة رافعة يدييها للسماء:
- لك روح... ربي مولايي يبيضلك أيامك... ويبعد عنك ولادين الحرام يا حق..

ينهي الزوج طعامه قائلاً:
- الحمد لله...

الزوجة:
- عجبك الأكل يا عمري...

الزوج:
- إي والله... تسلم إيديكي... تعبتك معي...

الزوجة مرتبكة من الفرح:
- عجبك الأكل؟؟!... لك تطلع على قبري شو إنّك هني وبتعرف تحكي... لك تكفنّي بإيديك على هالكلام الحلو يا حق.. بكرة بدي اعملّك حمام محشي وبطاطا بالفرن إي بدك تاكل أصابيعك وراهن...
بعدين شو تعبتني وما تعبتني؟!... ليش أنا عندي غيرك بالدنيا يا حبيبي؟!!، لك تشكل آسي يا حق...

الزوج وهو ينشّف يديه بعد غسلها:
- جاهز الحمام يا مرة ؟؟

الزوجة بخجل... وبابتسامتها الحلوة:
- ولَو تقبشني... ولَو!!! وحطيطيلك صابونة غار من يللي جابتهم أمك تقبرني...

*

*

*

*

وإليكم هذا الحوار بين (امرأة اليوم وزوجها):

يعني الرجال اللي صار فيه متل (ابو بدر)

**وبالسوري كمان**

الزوج:
- مرحبا يا حلوة... شو عاملتينا عشا اليوم؟

الزوجة ملتفتة إليه وبيدها جريدة:
- شو إيمتى جيت؟؟ مبكّر مو على عادتك يعني... على كلٍ عملتلك مجدرة برغل وعدس... شو بدي اطبخلك يعني ومبارح أكلت لحمة بالصينية؟؟...

الزوج:
- يا الله تقبشيني، قومي حطيلنا الأكل لناكل..

الزوجة:
- ليكو الأكل عندك بالمطبخ... وين بدو يروح يعني؟؟!! كمان بدي جبلك الأكل لحد عندك؟!

الزوج باتجاهه إلى المطبخ:
- ناموا الولاد على حد علمك؟

الزوجة:
- إي شو نيّمهم هالحين وبكرة عندهم عطلة؟؟؟ ...

الزوج يحدث نفسه من المطبخ:
- العمى شو هالمجدرة؟؟!!!!!...

يمضغ اللقمة الأولى ويقول:
- إي والله كأني عم آكل حصو مو برغل!!!

الزوجة :
- شو بتمتم يا رجال؟؟

ينهي الزوج طعامه قائلاً:
- آ... ؟؟ ولا شي حبيبتي... ولاشي...

الزوجة:
- عجبك الأكل؟...

الزوج بإحباط:
- إي طبعاً طبعاً... تسلم إيديكي...

الزوجة بتأفف:
- معناها كل يوم بعملك منها إذا حبيت...

الزوج وهو ينشّف يديه:

- جاهز الحمام يا ترى؟؟

الزوجة ترمي الجريدة أرضاً صارخة في وجهه:
- العمى على هالقصة... طبختِ يامرة؟... ناموا الولاد يامرة؟...جاهز الحمام يا مرة؟... إي شو أنا ما عندي شغل غيرك يا رجال ؟؟!!!...

وبس

ما في ام زكي ولا فريال

بس لا تنطكرو هسة انو في منه الحكي ما بدي اقول كله لانو ما بدي اظلم بعض الرجال

***تحيااااااااااااااااتي***

هههههههههههههههههههههههههههههههههههههههههههههههههههههههههههههههههههههه

ماشي ماشي

تحياتي لكي فدفد

اطلالاتك تبهرنا

وتواسينا

وتزيدنا ثبات

الله يديمك

ههههههههههههههههههههههههههههههههههههههههههههه
تحيااتي الك فدائيه
موضوعك روووووووووووووووووعه
تقبلي مروي
جيفارا

مكشور فدائية علي الحوار الرائع
وتقبلي مروري